A Mostra do Encaixe será máis internacional que nunca

Camariñas Cultura

18:02 03/04/14

Presentacion do Programa da Mostra do Encaixe 2014

O Concello de Camariñas presentaba esta mañá o programa da XXIV Mostra do Encaixe que se celebrará na localidade entre os días 16 e 20 de abril. Este ano haberá varias novidades con respecto a edicións anteriores, sendo a máis importante o aumento da internalización da Mostra. Ata 12 países estranxeiros participarán no evento e por primeira vez acudirá unha delegación de Brasil (Florianópolis-Santa Catalina), onde se está recuperando este traballo artesanal. Os brasileiros darán unha conferencia para explicar como se está traballando no seu país para recuperar esta tradición e tamén recollerán as técnicas aplicadas en Camariñas para levalas ao seu país. Ademais, todas as delegacións internacionais impartirán talleres durante o certamen para todas as persoas que desexen acudir.

Os 12 países participantes son: Brasil, Bélgica, Bulgaria, Estoniana, Francia, Irlanda, Italia, Polonia, Portugal, República Checa, Rusia e Suiza. Por primeira vez tamén acudirá un mestre palilleiro procedente de Estoniana, posto que este traballo está reservado case exclusivamente a mulleres.

Grandes deseñadores

Na categoría de grandes diseñadores e firmas recoñecidas haberá 9 participantes de diferentes lugares de España: Devota&Lomba (Madrid), Emilio Salinas (Madrid), Rubén Perlotti (Barcelona), Esteban Fritiría (Málaga), Ana Cabranes (Xixón), Oky Coky (Pontevedra), Franco Quintáns (Pontevedra), José Matteos (A Coruña), e a firma de Complementos Janet Shulz (Pontevedra), ademáis de 29 modistos noveles, que darán a coñecer as súas coleccións. O día da inauguración e o de clausúraa desfilarán por primeira vez as 41 alumnas da Escola Municipal de Palillo, no denominado Pequeencaixe, onde lucirán as pezas elaboradas por elas mesmas.

Postos de palilleiras e outras artesanías

Tamén haberá 18 stands con palilleiras locais e 13 con outro tipo de artesanías. No apartado de exposicións este ano introdúcense máis novidades co encaixe aplicado no mobiliario. O diseñador de interiores Juan Ares exhibirá un espello e unha licorera con aplicacións de encaixe e Alberto Lema, un veciño de Camariñas, expoñerá un dormitorio no que fusionará pezas de encaixe tradicional con vidro, o que supoñerá unha auténtica revolución neste sector. Durante todos os días da Mostra haberá encontros de encajeras nos que participarán máis de 500 artesanas de toda Galicia e doutros puntos de España como Cataluña, Badajoz, Huelva e Cidade Real.

Encontro de bloggers

O xoves 17 tamén haberá o II Encontro de Bloggger Moda, que o ano pasado alcanzou unha gran repercusión.

”Deseño, innovación e vangarda

Na presentación participaron o alcalde, Manuel Valeriano Alonso; a concejala delegada da Mostra, Sandra Ínsua; a directora do evento, Dolores Lema e o diseñador e director da pasarela, Franco Quintáns.

A directora da Mostra do Encaixe, Dolores Lema, destacou que desde fai anos vense apostando cada vez máis polo “deseño, innovación e vanguardia”. Proba diso son as novas aplicacións de encaixe que este ano se poderán ver no mobiliario.
O deseñador Franco Quintáns confía en que os Novos Deseñadores teñan unha maior repercusión na pasarela “porque eles son o futuro”, ademais de loubar a iniciativa do Pequeencaixe como unha forma de incentivar o traballo das nenas “para que sigan adiante con esa tradición”. A pasarela este ano será por primeira vez a rentes do chan, que Quintáns comparou con outras ao estilo de Nova York, Parides e Madrid.
Para Sandra Ínsua é “fundamental” o apoio á industria do encaixe e á marca de Encaixe de Camariñas.
O alcalde tamén destacou os grandes cambios ao longo dos anos. ”O que agora chamamos innovación antes era sobrevivir e isto hai que poñelo en valor”, apuntou.