Sicixia presentouse onte en no Cine Majéstic-Passy de París. Imaxe: Sicixia Máis de 300 persoas asistiron á preestrea de "Sicixia. Paseo polo amor e a Costa da Morte" que tivo lugar onte en París. O público parisino non quixo perder unha prometedora viaxe de "Galicia a través dos cinco sentidos" - xa que tamén houbo unha degustación de productos da zona -  e dúas horas antes da agardada proxección xa se anunciaba o cartel de entradas esgotadas ás portas do Cine Majéstic-Passy situado no prestixioso 16ème arrondissement de París. O director Ignacio Vilar, a actriz Marta Lado e o actor Monti Castiñeiras presentaron o filme acompañados por Laura Fernández - Vía Láctea Filmes - e Laura del Sol - actriz e presidenta de Espagnolas en París, asociación adicada á promoción do cinema español na capital francesa -. A proxección de Sicixia tivo lugar na Sala 1 do cinema nunhas inmellorables condicións técnicas que permitiron recrear durante 98 minutos as impresionantes paisaxes e os cautivadores sons da Costa da Morte e da Rapa das Bestas de Sabucedo. Logo do pase, o equipo do filme respondeu as preguntas dun público que recoñeceu sentirse totalmente abraiado. Os sons, o descubrimento da Costa da Morte ou o amor foron algúns dos temas abordados. Degustación de productos da zona O público parisino degustou productos da Costa da Morte elaborados por un grupo de chefs galegos. Imaxe: Sicixia Os chefs galegos Iván Domínguez - estrela Michelín, Grupo Amicalia, Grupo Nove, Coruña Cociña -, Javier Rey - Grupo Amicalia -, Miguel Silvarredonda e Tino Otero - Porto-Muíños - foron os encargados de poñer o punto e final a esta inesquecible "soirée" cunha suculenta "degustación do Mar da Costa da Morte" ofrecida por GALP Costa Sostible - representado por Manuela Oviedo -, Vía Láctea Filmes e Porto-Muíños na que os asistentes tamén tiveron ocasión de degustar unha coidada selección de viños godello e mencía da D.O. Valdeorras (Telmo Rodríguez, Rafael Palacios, A Coroa, Viña Valdeiga e B. Carballal). Á preestrea asistiron representantes institucionais da embaixada española en París, da Unesco,... académicos da universidade da Sorbona e do mundo artístico e cultural parisino (actores, directores, pintores, escultores, etc.). Tamén asistiron xornalistas, distribuidores de cinema e turoperadores que manifestaron o seu desexo de contibuír á difusión de Sicixia nos seus respectivos eidos, o cal supón un auténtico pulo para a promoción da nosa lingua e a nosa cultura a nivel internacional. Esta mañá, Ignacio Vilar participou nun coloquio con alumnado da Université Sorbonne-Nouvelle, Paris 3, organizado polo Centro de Estudos Galegos de París.

Máis información

• Facebook “Sicixia”.
• http://www.sicixia.gal.

Novas cinematográficas

• Sicixia seleccionada no 54º festival internacional de Cine de Xixón
• Marta Lado leva o premio á Mellor Actriz no Festival de Toulouse por Sicixia
• Sicixia: Oda onírica á Costa da Morte
• Sicixia leva a Costa da Morte ao XXI Festival Cinespaña de Toulouse.
• Primeiras probas de Sicixia na gran pantalla
• Ignacio Vilar pon fin á rodaxe de Sicixia
• Marta Lado: “Con Sicixia descubro lugares e sensacións da Costa da Morte que non coñecía”
• “Agardamos recuperar a Vaca de Fisterra para escoitala en Sicixia”
• A Costa da Morte ponse de longo para acoller a rodaxe do filme Sicixia.
• Nacho Vilar: “Sicixia é unha película para escoitar a vida da Costa da Morte”.
• Comeza a rodaxe do filme Sicixia, no que a Costa da Morte é protagonista
• Almódovar roda escenas de “Silencio” na Virxe da Barca.
• Almodóvar, buscando localizacións pola Costa da Morte
• Os Fenómenos, outro filme de produción galega con participación costeira.
• A Esmorga, no Top 10 da carteleira a nivel estatal.
• Os Crebisnky de Miguel de Lira triunfan nos Mestre Mateo.
• A Costa da Morte de Lois Patiño prepara a carreira polos Goya.
• O filme Costa da Morte, Premio Especial 2015 dos Premios Feroz.
• Unha documental de percebes e boulder.
• Illados, unha nova documental sobre a idiosincrasia da Costa da Morte.
• Un solpor peregrino ao son do chelo.
• As mellores webseries de España, premiadas no Carballo Interplay.
• Unha historia de Cráneos e Ósos na DeadCoast.
• Sicixia, a primeira película que se rodará integramente na Costa da Morte.
• “The Way” tamén chega á Costa .
• “A Mariñeira” enche os cines de Cee.

Outras novas

• 2016: Desaparece escoitar.org: Os sons máis galegos vanse da rede.
• 2012: Escoitar.org: Os Sons da Costa.

Fonte

• Redacción de QPC ([email protected])
• Sicixia