Un Festival para darlle Vitaminas á comunicación en galego
14:45 20/04/12
Vitaminas para o Galego, a plataforma na que colaboran 24 medios de comunicación na lingua propia, organiza un festival artístico o vindeiro venres 27 de abril en Compostela. O evento, presentado por Xia Arias, inclúe un recital poético a cargo de Olalla Cociña, Alicia Fernández e Gonzalo Hermo, seguido dun concerto do grupo punk de Muros, Terbutalina, unha auténtica experiencia bizarra.
Todos os beneficios do festival serán destinados a sufragar o mantemento da propia campaña e dos medios en galego, que nos últimos anos sufriron importantes baixas. As entradas saen a só 4 euros (5 o día do concerto) e haberá unha fila cero para os que queiran colaborar aínda máis a 10 euros. O concerto será no Centro Social A Gentalha do Pichel, onde se poden mercar as entradas, ademais de na Reixa, Casa das Crechas e Restaurante Rúa.
Vitaminas 17
No mesmo festival darase conta do proxecto en marcha de cara ao gran evento do 17 de maio, que Vitaminas para o Galego está preparando co gallo do Día das Letras Galegas. Unha campaña na que xa participan os concellos de Corcubión, Carballo, Zas, Vimianzo e Carnota, que mercarán uns regaliños en galego para os pequenos escolares. A actuación é a primeira iniciativa da segunda fase da campaña, lanzada este inverno. A primeira fase logrou duplicar o obxectivo de recadación inicial, inxectando 6.800 euros grazas a colaboración de case 200 mecenas.24 medios en galego
A campaña Vitaminas para o Galego está artellada polos medios de comunicación: Tempos Novos, Galicia Confidencial, Radiofusión, Praza Pública, Novas da Galiza, Val Miñor.info e Quepasanacosta. Colaboran ademais Xornal Certo , O Sil.info , Crónica 3 , Radio Nordés , Terra Chá.Xa , Crónicas da Comarca , Surf GZ , Cardenos de Comunicación e Análise ,Lalín e Comarca , Hermes e Atenea , Disquecool , De Luns a Venres , Cabozo.com , Vencello , Cartafol , A nova Peneira , Programa radio Plástico Elástico , Cerne, terra de Melide e Gaceta de Fene, A iniciativa diríxese a todas as persoas que queren contribuír a que o idioma propio de Galicia adquira un rango social de normalidade. Para logralo, resulta imprescindible a existencia dunha pluralidade de medios de comunicación en galego.Máis información
- Microsite de Vitaminas para o mobil.
- Facebook: Vitaminas para o galego.
- Twitter: Vitaminasgalego.
Novas relacionadas
- Terbutalina, no panorama bizarro da música galega dagora.
- Case 200 recompensas aos que vitaminaron o galego e un festival pola lingua.
- Carballo dá Vitaminas ao Galego co seu Premio a artigos xornalísiticos normalizadores.
- Galicia segue demandando e vitaminando o galego.
- Máis de 100 mecenas polo galego nos medios de comunicación.
- A campaña a prol dos medios en galego supera as expectativas de recadación e amplia cabeceiras.