Martes. 07.04.2020
El tiempo

Carballo dá Vitaminas ao Galego co seu Premio a artigos xornalísiticos normalizadores

Carballo dá Vitaminas ao Galego co seu Premio a artigos xornalísiticos normalizadores

Xa están en marcha o VIII Premio a artigos xornalísticos normalizadores 2012, que artella o Concello de Carballo desde o seu Servizo de Normalización Lingüística (SNL) e en colaboración con varios medios de comunicación, entre o que atopamos ao noso QPC.

Uns premios que promoven a reflexión sobre a situación social da lingua galega, crear espazos nos xornais para analizar e fomentar o uso e prestixio do idioma galego e promover o seu uso na prensa. Unha iniciativa que ben se pode considerar como máis Vitaminas para o galego, a campaña desenvolta por 20 medios do país e da que forma parte este diario, para fomentar e reivindicar o uso do galego nos medios de comunicación.

Que tipo de artigos?

Ao certame pódense presentar artigos xornalísticos inéditos de opinión que traten algún tema concreto relacionado coa situación sociolingüística do noso país, coa defensa e promoción da lingua galega, co seu estatus, co argumentario a prol do uso do galego, coa lexislación e os dereitos lingüísticos, con experiencias sociolingüísticas concretas, con propostas para o impulso do uso e prestixio social do galego, con experiencias útiles ou favorábeis para a dinamización da lingua, coa política lingüística en xeral ou nalgún ámbito ou situación determinada, etc.

Os artigos deberán ter entre 2.000 e 3.500 caracteres con espazos incluídos (entre 350 e 600 palabras, aproximadamente).

Nas sete edicións anteriores foron premiados/as autores/as como Xurxo Carballido, Olga Patiño, Ana Barreiro, Ramón Vilar Landeira, Miguel Mosquera, Séchu Sende, Kiko Novoa, Xesús Fraga, Pilar García Negro, Marica Campo ou Marcos Abalde.

Datos

  • O prazo de admisión está aberto até o 9 de abril de 2012.
  • Outorgarase un premio económico ao artigo gañador, dotado con 1.000 euros, ademais da difusión nos once medios colaboradores coa iniciativa: A Nosa Costa, De Luns a Venres, Diario de Bergantiños, El Periódico de Carballo, Galicia Confidencial, La Opinión de A Coruña, La Voz de Galicia, Praza Pública, Que pasa na Costa, Sermos Galiza e Tempos Novos.

Bases

As bases completas do premio poden consultarse no sitio web do Concello de Carballo (www.carballo.org). Tamén se pode obter máis información no Servizo de Normalización Lingüística, no teléfono 981 704 304 ou no enderezo electrónico [email protected]

Novas relacionadas

Fonte

  • Concello de Carballo.

comentarios