Para facilitarmos os plans, ademais de recoller todas as citas festexeiras debulladas en www.axendacostadamorte.com, dexiámosvos aquí, todos xuntos, os programas municipais de Entroido. Conten con actividades dende este venres 8 ata o domingo 17, con gran protagonismo da troula, pero tamén da gastronomía con varias rutas dos Pinchos, algún que outro concurso, e moitas, moitas filloas e orellas.

QPC estará en varios dos Entroidos costeiro. Durante esta primeira fin de semana intentará tomarlle uns pinchos en Muxía e máis en Corcubión. Para o domingo, ineludible cita con Nucha e Mucha en Dumbría. Xa estamos a luns, e toca ir de xurado ao Entroido de Vimianzo, e repetiremos facendo de xuíces do concurso de comparsas o mítico martes de Entroido de Fisterra.

O mércores comezan a esmorecer os entroidos, pero non decae a festa. Por exemplo, en Lariño enterran a Facundo. En Laxe a gran cita con Caietano queda para o venres e non se pode esquecer a cita ca Mikaela en Buño a golpe de sábado 16, o mesmo día por certo, que en Muxía proceden co Enterro do Percebe.

Entroidos da Costa

• Muxía reaviva o Entroido a base de pinchos e co Entroido do Percebe como fin de festa.
• Nucha e Mucha presentarán o entroido dominical de Dumbría.
• O Entroido de Fisterra xa ten o seu cartel cheo de caras coñecidas.
• Vimianzo xa pensa no seu gran luns de Entroido.
• Baíñas ten un entroido de seu.
• Cee centra o Entroido no Sábado de Piñata.
• Muros enterrará ao Facundo no seu Entroido comparseiro.
• Camariñas prepara un entroido de Piratas e velorios.
• Zas prepara o seu Entroido cheo de xogos.
• Carnota e Mazaricos preparan os seus entroidos.
• Ponteceso tamén pensa no Entroido.
• Un entroido doble en Corcubión.
• Malpica, Laxe e Cabana propoñen un Entroido coa Mikaela, Caietano e os Ghañán Style.

Fonte

• Redacción de QPC ([email protected]).