Xa está aquí a segunda tempada da Escola de Tecnificación da Fundación Atlético de Madrid. Despois da exitosa primeira campaña, que culminou co soño de xogar no Calderón, e tras armar un completo Campus de verán con 40 rapaces, a nova temporada comeza no Conco en clave colchonera.

Durante esta semana, o responsable da Escola, Héctor Antelo, está presentando o proxecto nos Clubs da Costa da Morte, recordando que é unha actividade aberta a todos os nenos e nenas entre 4 e 17 anos que lles guste o fútbol e queiran perfeccionar aspectos relacionados co mesmo nun ambiente idóneo para iso.

A presentación oficial desta nova campaña será o vindeiro luns 13 de outubro, cando o Conco abrirá as súas portas a unhas xornadas gratuitas para todo o que queira coñecer de preto o método de traballo deste equipo de grandes formadores, co único requisito de anotarse chamando ao 696 449 023, para que as sesións poidan planificarse en base ao número e idade dos asistentes.

A xornada de portas abertas repetirase o luns 20 de outubro, e a partir do día 27 comezará a Escola a funcionar regularmente, que durará ata finais de xuño. Xa saben que a Escol acolle rapaces de 4 a 17 anos, os adestramentos serán os luns de 19:00h a 20:30h no Conco.

Máis información e inscricións

O prezo de matrícula ordinaria é de 80€ máis 90€ cada trimestre. Calquera información pódese solicitar a través do 696449023 número do Coordinador da Escola, Héctor Antelo, no 913642234 ou no mail [email protected].

Novas relacionadas

• Cerca de 40 rapaces participan no Campus do Atlético de Madrid.
• Os pequenos colchoneros de Dumbría cumpliron o soño de xogar no Calderón.
• Nace a peña do Atlético de Madrid “Costa da Morte”.
• A maquinaria colchonera en Dumbría conta cos grandes formadores da zona.
• Máis de 30 rapaces arrincaron con gañas e ilusión a Escola do Atlético de Madrid en Dumbría.
• A Escola de Tecnificación do Atlético en Dumbría xa está lista para rodar.
• En marcha a escola do Atlético de Madrid en Dumbría.
• O Atlélico de Madrid aterra en Dumbría.
• #DumbríaéDeporte.

Fonte

• Redacción de QPC ([email protected]).