A Pedestre de Muxía pechará o II Circuíto de Carreiras Populares Correndo pola Costa da Morte

08:18 07/11/15

Michel Antelo intentara roubarlle o titulo a Cristian Muino

Míchel Antelo intentará quitarlle o titulo a Cristian Muíño nos 10K A proba que pechará o II Circuíto de Carreiras Populares Correndo pola Costa da Morte será a II Carreira pedestre Concello de Muxía. Dará o pistoletazo de saída o domingo 22 de novembro ás 10:00 horas coa proba Infantil-Cadete, as inscricións xa se poden formalizar a través da plataforma championchipnorte.com. Haberá moita intensidade nos sénior dos 10K. Parece que o coristanqués Cristian Muíño ten todo de cara para repetir o título do ano pasado pois ten só 10 puntos nas súas 8 carreiras, polos 14 puntos do vimiancés Míchel Antelo. O duelo está servido. En 5 kilómetros, Amador Pena Torreira parte con vantaxe fronte José Manuel Lago Cés e Damián Espasandín. Inscricións Para os atletas sénior e veteranos pois as inscrición para os atletas de categorías base, dende pitufo a xuvenil, serán gratuítas. As inscricións para os atletas benxamín, alevín, infantil, cadete e xuvenil poderán realizarse a través de:

1) Plataforma championchip ( www.championchipnorte.com. ) A autorización paterna deberá imprimirse e ser presentada debidamente cuberta e asinada á hora de recoller os dorsais. Dita autorización poderá ser descargada en www.championchipnorte.com ou na páxina do Concello de Muxía www.concellomuxia.com.
2) Presentando a autorización paterna asinada no Departamento de Deportes do Concello de Muxía.

@s atletas de categoría Pitufo poderán facer a inscrición do seguinte xeito:

1) Enviando un email a [email protected] coa autorización paterna cuberta e asinada. Á hora de recoller o dorsal deberán presentala impresa e asinada. Dita autorización paterna, poderá descargarse na páxina do Concello de Muxía www.concellomuxia.com.
2) Presentando a autorización paterna asinada no Departamento de Deportes do Concello de Muxía.