As praias da Costa da Morte acollerán 5 citas do Circuito Galego de Surf
Presentaba onte a Federación Galega de Surf presentaba o Calendario Actividades Deportivas Federación Galega de Surf 2014. Un calendario que sinala varias citas nas praias dunha Costa da Morte que xa é todo un referente a nivel internacional.
Un calendario que este ano vén algo máis curto, polo recorte en case un 25% da subvención da Secretaría Xeral para o deporte, tendo que eliminar a FGS a categoría sub-10, unificando campionatos e categorías
As praias escollidas son as míticas fetiche para os amantes das ondas. A muxiá Praia de Nemiña abrirá a temporada na bisbarra, se o tempo o permite, a vindeira fin de semana do 5 e 6 de abril. A praia do Faro de Lariño, en Carnota, tomará o relevo cunha proba xuvenil. Razo acollerá unha concentración da Selección Galega, que o ano pasado concentrábase en Malpica.
Xa en pleno verán, as citas tocan en agosto en Soesto e en setembro, aínda por determintar, unha proba infantil e xuvenil en Malpica.
Unha das cousas que nos chama a atención é que moitas das probas que se realizan pola zona non teñen colaborador oficial, polo que invitamos ás entidades de cada zona a que se poñan en contacto coa Federación para meter unha man na organización e cos patrocinios.
Probas do Circuito Galego de Surf na Costa da Morte
| Data | Categoría | Proba | Lugar | Organiza |
| 5-6 abril | Open de Longboard e Sup Olas | 1ª proba open longboard e sup olas | Praia de Nemiña (Muxía) | GAL - FGS |
| 26-27 abril | Xuvenil de Bodyboard | 1ª proba open-xuvenil de body | Faro Lariño (Carnota) | FGS / sen colaborador oficial |
| Abril-maio | Selección Galega | 1ª Concentración Selección Galega | Razo (Carballo) | FGS / sen colaborador oficial |
| 22-24 agosto | Campionatos Galegos | Camp. Galego Individual e por Equipos | Praia de Soesto (Laxe) | FGS / sen colaborador oficial |
| Setembro | Infantil e Xuvenil de Surf e Bodyboard | 3ª proba infantil e xuvenil de surf | Praia Area Maior (Malpica) | Silfo - FGS |
Concurso de Foto surfeira
E estamos nos últimos días para enviar a foto ao I Concurso de Fotografía Surfeira de Galicia, organizado por SurfGZ, coa colaboración de SurfMarket, a FGS e The Surfeiros Piratas.
Novas relacionadas
- A praia do Faro vibrou co campionato de body.
- A Tremosa, a gran e temida onda da Costa da Morte.
- Malpica vende fotos na lonxa.
- Soesto e Malpica atraeron o surf galego á Costa da Morte.
- Desafiando ao vento da Costa da Morte en Paddle Board.
- A Selección Galega de Surf toma Malpica como base de operacións.
- Nemiña volveu convertirse no centro surfeiro do país.
- Malpica abriu a temporada de surf na Costa da Morte.
- As perigosas ondas das Costa da Morte collen sona internacional.
- A bordo do longboard polos Camiños sen fin da Costa da Morte.
- A Costa da Morte afiánzase no panorama surfeiro do país.
- De quen son as ondas da Costa da Morte?.
- Os viquingos surfeiros galegos e asturianos tomaron Malpica.
Outras novas
- A bitácora da semana (XCV): Costa da Morte Kayak Surf.
- A bitácora da semana (LXVI): O blog do Clube de Surf Os Tombos.
- A bitácora da semana (IV): Surf na Costa da Morte.
