Nova fin de semana co Entroido como gran rival (que llo digan aos equipos de Bergantiños ca Mikaela.... Pero os equipos da volta non caen e malia que dan chuvias para o domingo (non tanto para o sábado) a xornada prevese fantástica.
Comezamos o repaso da Previa pola Preferente - Senra Sport, onde os nosos queren romper a liña negativa das últimas xornadas. Intentarano na casa, e se o XSC recibe aun parello O Castro, ao Dumbría tócalle recibir no Conco a un dos que pelexan polo título, o Galicia Mugardos.
Noxa xornada con derbi na 1ª Autonómica - Clínica Vértebra, e co derbi dos dous mellores equipos costeiros, ata agora, da competición. O Baio recibe ao Sofán no Platas Reinoso, con 6 puntos de diferencia entre ambos e co Sofán necesitado de gañar se quere manter o pulso con Unión e Villestro, despois de perder o liderato a semana pasada tralo derbi co Soneira. Precisamente o cadro soneirán pode devolverlle o que lle quitou ao cadro sofanista se vence ao Unión en Vimianzo. Ademais, o Malpica tamén pode remar na mesma dirección se vence ao Puebla, o 4º a 1 só punto dos carballeses. Xa pola zona baixa, choques importantes para os nosos. A Esteirana quere confirmar a reacción nun choque directo ante precisamente un Amio que marca a salvación, e que ten 12 puntos máis que os muradáns. Atento estará o Corme, aínda en postos de descenso a 1 punto do Amio, e que non pode fallar ante o Flavia noutra finalísima pois o cadro padronés só ten 3 puntos máis que a marea azul.
A xornada da 2ª Autonómica - ES Bazarra trae grandes choques por arriba e por abaixo. Por arriba, o líder non pode fallar ante a visita do Carnota. Por detrás, o Outes recibe a un Ponteceso á alza; o Zas viaxa ás Redondas e o Castriz, con Gelucho botando unha man a Esteban Blanco no banco, visita a un necesitadísimo Camelle. Coloridos serán os duelos entre Volantes e Mazaricos, emais o choque entre Fisterra e o embalado Camariñas. Por abaixo, nova final para o Montelouro na Grixa, ante un Porteño con 6 puntos máis. E tamén para o Cee, que non quere seguir preocupado da zona baixa, pero de caer ante o Seaia se verá enfangadisimo.
A xornada 24ª da 3ª Autonómica - Clínica Xunqueira, chega cunha novidade importante nos bancos. Pato colle o relevo no Ameixenda trala dimisión de Manolín, xusto para recibir ao Corcubión, nun partido que pode ser determinante para abrir unha fenda case insalvable e case que asegurar o ascenso. Máis do mesmo para o Cerqueda, que de gañar ao Muxía e de caer o Corcubión tería alomenos 14 puntos de marxe cando quedan 10 partidos. Na pelexa pola promoción, o Nantón-Coristanco será duelo directo, cun ollo para ver o que fai o Muxía en Cerqueda, ante un líder con xa leva 9 vitorias seguidas.
De xuvenís e base
Arrinca a segunda volta da Liguilla Previa á Fase Ascenso á Liga Galega Xuvenil. E trala
xornada pasada, Os Miúdos quere afianzar ante o Porteño a súa candidatura a acompañar a un Dumbría que parece implacable e que recibe ao Cabana. O choque que parece máis igualado será o Camariñas-XSC. Ademais, nova, unha máis despois da do Martes de Entroido, na Liguilla da Copa.
Descansa o líder da 1ª División dos Veteranos, o San Román, e o Hosgran quere aproveitar para alcanzalo aínda que sexa cun partido máis, pero terá que superar ochoque ante un Dumbría que a menos nas últimas xornadas. Poderase achegar tamén o Coristanco, se vence en Ponteceso.
Mentres, na 2ª División, ao que lle toca descansar é o 2º, un Erbecedo que poder como o Porteño e o Corcoesto se lle achegan na táboa. O líder, o Agualada, terá un choque asequible ante o Vimianzo.
