Ecuador de xaneiro e facemos un novo repaso para ver como andan os Pichichis da Costa. O pasado mes viamos como os vellos rockeiros seguen na parte alta das clasificacións

E o facemos ca axuda das táboas da Federación, e de Luís Porto, que cada semana leva a conta dos goleadores, contrastando ademais a información das actas (non sempre acertadas) coas crónicas de QPC. De feito, cada luns, Luís repasa a crónica QPC e a acta, e nos traslada as incongruencias, que nós solventamos falando directamente cos protagonistas.

Destacamos, entre todos, un nome propio, o de Javi, punta xuvenil do Camariñas que leva 35 tantos co seu equipo (máis de 2 por partido), e xa marcou tamén cos maiores, cos que xogou xa 13 partidos.

Así que, sen máis, imos repasando nomes:

Pichichis da Preferente

Lonxe xa de Ramiro, da Sarriana, que leva 13 goles, e de Damián Vilela (Arzúa) e Adrián Quintela Becerra (Sada) que levan 12, atopamos aos máximos goleadores dos dous equipos costeiros. Segue sendoDoro, a pesar da lesión que o mantivo máis dun mes fóra dos terreos de xogo, o máximo goleador costeiro, con 6 tantos, os mesmos que Adrián Makaay

1ª Autonómica

Fantástica ponse a loita polo pichichi costeiro na 1ª Autonómica. I é que os Javi, Raúl e Iván Rojo achéganse aos Alejo e MC, que se manteñen no alto da táboa. Un Alejo, que cos seus 10 goles está empatado no máis alto da táboa do pichichi con Aitor, dianteiro do Agolada, sendo MC o 3º máximo goleador da categoría, e entrando os outros 3 na pelexa:

2ª Autonómica

Segue Piti, o veterano punta do Volantes, sendo o máximo goleador da Liga da Costa. Preto ten xa a Javi Suárez, que desbancou ao tamén laranxa Espi (pero que esta segunda volta vai ter que faltar moitos partidos por motivos laborais) da segunda praza, e tamén ao camariñán Yuyo, impresionante cos seus 4 tantos da última xornada, que se coloca a só 3 do muradán.

3ª Autonómica

Mantese o vello rockeiro nantonés Luís no máis alto da táboa, pero teno retrovisor posto pois chegan un par de corcubioneses moi fortes. Iago Lema leva xa 13 goles, e David Lourido leva 1º goles nos 8 partidos que disputou dende que voltou a Corcubión, pero xa leva un par fóra dos terreos de xogo por unha lesión. Iso si, pode que volve o domingo en Coristanco.

Mario, o punta corcubionés do Ameixenda, despois de descansar por unhas molestias no xeonllo, volverá probablemente esta fin de semana para o partidazo ante o Cerqueda, onde Darío e Martín tamén suma os mesmos 11 goles.

Xuvenís, primeira fase

E quedou Javi Antelo, o Bicho do Camariñas, pichichi da primeira fase das Ligas Xuvenís. E o fai coa impresionante cifra de 35 goles en 17 partidos xogados… máis de 2 por partido.

Máis información

• www.copadacosta.com.
• Descargar a APP do Fútbol da Costa.
• Facebook do Fútbol da Costa.
• www.futboldacosta.com.

Crónicas da semana

• Xuvenís: Arrincaron as segundas fases.
• Ligas Galegas: Unha gran vitoria e dúas previsibles derrotas.
• 3ª Autonómica: O Ameixenda recupera o bastón de mando.
• 2ª Autonómica: O Outes pode co líder.
• 1ª Autonómica: O pechacancelas pon ao líder contra as cordas.
• Preferente: Metidos nun pano.
• Resultados e análise dunha xornada pasada por auga.

Novas relacionadas

• A Noite máis Solidaria do Fútbol da Costa.
• Comezaron as obras para instalar céspede artificial en Agra da Filgueira.
• O Campo do Carreiro ou a forza dos veciños.
• Os vellos roqueiros toman os pichichis.

Fonte

• Redacción de QPC (info@quepasanacosta.gal).
• Luís Porto.