Crónicas e resultados dos partidos do día da inmaculada

23:27 08/12/11

A xornada festiva da Inmaculada aproveitouse para xogar partidos aprazados e mesmo algún aproveitouna para adiantar o seu partido a xornada da fin de semana. Na preferente, o Santa Comba gañaba con moitos apuros ao Grixoa no partido adiantado a xornada do fin de semana. A falta de xogarse o resto da xornada, os da vila xalleira colócanse segundos. Na liga da Costa, o Baio ao caladiño vai escalando posicións, xa é quinto ao gañar a un filial dumbriés descoñecido que suma unha racha moi negativa de resultados. Na terceira o Carnota dáballe un forte correctivo ao Montelouro na súa casa endosandolle unha manita, mentres que o Muxía facía máis dano na ferida do Atl Pereiriña que non pasa polos seu mellores momentos. En xuvenís, o camariñas gañaba en Laxe para pechar a xornada 16 e deixar aos da Vila do encaixe terceiros na táboa. A nova negativa da semana foi a grave lesión de xeonllo do xogador do Malpica Alfrediño. O infortunio volveu a cegarse con el e o propio xogador anunciaba a retirada dos campos de fútbol pese a súa xuventude. Dende QPC e toda a familia do fútbol da Costa desexámoslle unha rápida recuperación.

Santa Comba – Grixoa (2-0)

SANTA COMBA: Diego, Roberto, Pablo Baña, Angelo, Gonzalo, Jota (Colón, min.65), Doro, Toni, Noli (David Blanco, min.83), Julián e José Ángel (Chinda, min.57 (Óscar, min.89))
GRIXOA: Pipo, Chenel, Sebas, Cholo, Héctor, Hugo, Adrián Nieto (Cachi, min.79), Peque, Capís (Calderón, min.59), Román e David Nogueira (Luis Bragaña, min.73)
Árbitro: Martínez Míguel (Ferrol). Expulsou a Chenel, do Grixoa, unha vez acabado o partido. Amoestou a Pablo Baña do Santa Comba; Chenel, Adrián Nieto, Sebas, Peque do Grixoa
Goles: 1-0, min.89: Angelo; 2-0, min.93: David Blanco

O Santa Comba sufriu, e moito, para desfacerse dun Grixoa que foi competitivo e que se marchou moi cabreado coa labor do colexiado do encontro. Plantexaron os visitantes un duelo moi intenso durante una primeira metade na que apenas houbo oportunidades claras de perigo, e na que o Santa Comba viu cómo lle anulaban un tanto a Noli por fóra de xogo. Non foi ata os tres últimos minutos de encontro cando se decidiu o resultado. Primeiro foi Angelo o que aproveitou unha segunda xogada tras un córner para facer o 1-0. Logo, o Grixoa celebraba un empate frustrado por sinalar falta o colexiado, xa co tempo cumprido, e á contra desa acción David Blanco pechaba o duelo co 2-0.

Dumbría B – Baio (0-3)

DUMBRÍA B: Anxo, José Manuel (Riki, min.34), Sergio Cives (Samuel, min.46), David Carreira, Ramiro (Miguel Poyo, min.46), Chucho (Esteban de Baíñas, min.60), Tantán, Pablo Lestón, Toni, Fernando (Ivanete, min.70) e Alberto.
BAIO: Manuel, Iván de Treos, José Antonio, Matías (Fredi, min.52), Ramón, Eloy, Mario (Iago, min.52), Alberto (Valentín, min.82), Canay (Rubio, min.38), MC e Javi Suárez
Árbitro: Zas Vázquez (A Coruña). Amoestou a Chucho, do Dumbría B; Eloy e Manuel do Baio
Goles: 0-1, min.10: Javi Suárez; 0-2, min.19: Javi Suárez; 0-3, min.35: MC

Dous equipos con dúas traxectorias ben distintas enfrontáronse na xornada da Inmaculada para resolver a xornada 8 da liga, partido aprazado no seu día polo forte trompa de auga que facía impracticable o campo do Conco. O Baio pouco a pouco vai escalando posicións na táboa e xa é quinto, mentres que os dumbrieses levan un traxectoria ben diferente, de estar nos postos altos durante as primeiras xornadas, nas últimas suma 1 punto dos últimos 24 posibles. Javi Suárez, en dúas acciones persoais, a segunda espectacular tras irse de tres ontrarios e lanzar un trallazo escorado que bateu no longueiro, e Martín MC, tras un gran cambio de xogo de Alberto, lle deron o xusto premio aos baieses que xogaron unha primeira metade rondando a perfección.

Montelouro – Carnota (0-5)

MONTE LOURO: Jose, Pablo, Álvaro (Jaro, min.60), Pedro de García, Teo, Geiko, Chema, Fernando, Chumy, Rico e Pesco
CARNOTA: Peipo (Nowita, min.88), Manolo Chousa, Pedro, Tono da Caixa, David Brea, Jacobo (Andrés Fandiño, min.83), Rodrigo (David Castreje, min.86), Manuel Luis, Borja Santos (Tono Goyanes, min.85), Casti e Manoliño
Árbitro: Cives Outes (A Coruña). Sin expulsiones
Goles: 0-1, min.11: Casti; 0-2, min.16: Rodrigo; 0-3, min.55: Manuel Luis; 0-4, min.67: Casti; 0-5, min.75: Casti

Paseo contra todo pronóstico da Unión Deportiva Carnota en Louro, frente a un conxunto local que nos últimos encontros non está moi acertado e esta a perder a gran renta de comezo de liga. Os visitantes foron moi superiores nun feudo que xa deixou de ser un fortín. Unha das claves del resultado final foi a explosión goleadora do ceense Casti, un xogador que ata a fecha parecía peleado coa súa especialidade, o gol. O punta abriu o marcador ao aproveitar, en boca de gol, un mal despexee do meta local. Non baixou o ritmo un Carnota no que Rodrigo, desde a frontal da área, poría terra de por medio pouco despois. Manuel Luis repetiría cun gol semellante á volta do descanso, cando case selou o duelo. Logo, Casti, en dúas accións de oportunista, redondeou a ‘manita’.

Atl. Pereiriña – Muxía (0-2)

ATL. PEREIRIÑA: Simón, Álvaro Fiuza, Mario, José de Express, Mateo (Néstor, min.76), Mario de José (Grille, min.70), Jorge Monterroso (Adán, min.27), Josiño, Morcillo, Víctor e Álex
MUXÍA: Ángel Luis, Carrera, Fabián Juvenil, Sergio, Martín, Javi (Julián, min.50), Alberto, Jose Ignacio, Raúl, Ziro (Topo, min.60) e Arxires
Arbitro: Domínguez Outes (A Coruña).
Goles: 0-1, min.24: Jose Ignacio; 0-2, min.55: Carrera

O Muxía logrou a súa segunda vitoria consecutiva, tras impoñerse ao Atlético Pereiriña nun duelo moi igualado, correspondente a xornada 3 aprazado pola festividade da Barca. Os locais dispuxeron de varias oportunidades, que non foron capaces de resolver ante un inspiradísimo Ángel Luis, que acabaría ademais formando novamente como dianteiro. Tivo que pitar Julito Domínguez Outes, ante a incomparecencia do árbitro.