Martín Varela non perde a esperanza de Río 2016 tras ser operado con éxito

14:23 16/11/15

Martin Varela teno claro

Todo son trabas para este cormelán que pretende facer historia nuns Xogos Olímpicos. Ademais de sortear todos os problemas económicos que supón practicar un deporte minoritario e pouco apoiado como o tenis en cadeira de rodas, unha lesión apareceu no peor momento.

Así e todo, non hai que perfer e fe, pois o tenista cormelán, Martín Varela Dourado, presidente da Asociación Deportiva Vidú, foi operado con éxito da hernia crural que sufría.

O pasado xoves e tras unha hora no quirófano, o Dr. Corbal dou por finalizada a hernioplastia á que se sometiu o deportista de Corme e coa que o cirurxián espera que a hernia non se repita por cuarta vez.

Agora, Martín Varela enfréntase a un proceso de recuperación que rondará os tres meses e que será máis duradeiro do esperado. A pesar de que a súa participación nos Xogos Olímpicos de Río se complica pola duración dos prazos de recuperación, o tenista de Corme non perde a esperanza e xa está pensando en como afrontar a súa volta ás pistas para volver máis forte ca nunca.