Segue o cormelán Martín Varela a súa carreira cara as Paraolimpiadas de Río 2016. E o fixo no XXV Campionato de España de tenis en cadeira de rodas, no cal as sensacións foron moi boas. E os resultados tamén, pois a dupla formada polo cormelán Martín Varela e o aresano Álvaro Illobre proclamáronse subcampións de España.

Os tenistas galegos chegaron a final tras superar en cuartos de final á parella formada polo catalán José Coronado e o aragonés Víctor Marcén e vencer en semifinais a Dani Caverzaschi e Quico Tur, os que partían coma uns dos favoritos ao título.

A final deste sábado, estaría colmada por Galicia xa que Martín e Álvaro enfrontaríanse ao tamén galego Martín de la Puente, quen formaba parella co madrileño Roberto Chamizo. Tras un partido moi igualado, a balanza decantouse hacia o lado da dupla número 1 do cadro, pero a pesar da derrota o cormelán e o aresano saíron contentos da pista xa que as sensacións foron moi boas entre a parella galega debido a que o paso dos encontros van mellorando o seu xogo.

En semis do individual

En canto ao individual, Martín Varela e Álvaro Illobre enfrentáronse nos cuartos de final tras eliminar a Carlos Pina e a José Alberto Álvarez, respectivamente. Logo dun duro e igualado partido, que estivo marcado polas condicións meteorolóxicas, o tenista de Corme levaríase o gato á auga para conseguir o pase a semifinais, onde lle tocaría bailar coa máis fea, Daniel Caverzaschi.

Martín Varela quedaríase ás portas da final tras caer derrotado polo número 1 do ranking nacional por 6-2 e 6-1, nun encontro no que se notou a diferencia de ritmo de xogo entre ambos. O partido contou con xogos moi igualados pero a maioría acabou caendo do lado do claro favorito para o título.

Martín comeza a ver os resultados da preparación que está realizando nos últimos meses e según el “agora toca perfeccionar pequenos detalles para seguir mellorando o xogo co paso dos torneos”.

Entrevistas con Martín Varela

• David Castro fala con Martín Varela, un dos mellores deportistas da Costa da Morte.
• Entrevista de David Lourido: Martín Varela: “Para a Xunta non son deportista de alto nivel”.

Máis información

• Con Martín a Río 2016.
• martindecorme.blogspot.com.
• Páxina de Facebook de MARTÍN VARELA DOURADO.

Novas relacionadas

• Martín Varela comeza a carreira a #Río2016 con vitoria en Italia.
• Martín Varela, inicia en Italia a escalada cara Río2016 con novos patrocinadores.
• Martín Varela no inForum 2015.
• A Gala do humor logra recadar 4000€ para levar a Martín Varela a #Río2016.
• Agosto 2014: Martín Varela segue o camiño cara Brasil 2016 gañando os dobres no Open Internacional de Miranda.
• Xullo 2014: Martín Varela comeza o seu desafío para chegar ás Olimpiadas de Río 2016.
• Xuño 2014: Martín Varela pelexou polas medallas da Copa do Mundo coa Selección Española.
• Maio 2014: Martín Varela preparará o Campionato do Mundo co torneo da casa.
• Abril 2014: Martín Varela volve á Selección Española para disputar o Campionato do Mundo.
• Marzo 2014: Martín Varela volve á competición.
• Xuño 2013: Novo doblete de Martín Varela en Zaragoza.
• Abril 2013: Unha festa para mandar a Martín Varela ao Campionato do Mundo.
• Setembro 2012: Martín Varela pecha a tempada a golpe de títulos.
• Xuño 2012: Martín Varela e a Selección Española petan con Asia.

Fonte

• Redacción de QPC ([email protected]).