Xa coñecemos os encargados de adestrar ao primeiro equipo da S.D. Fisterra de cara á vindeira tempada 2011 – 2012. Serán Juan Jesús Martínez e César Sánchez. Trátase de xente coñecida, xa que os dous son ex xogadores do conxunto fisterrán, e incluso gañaron a derradeira Copa da Costa do conxunto, no ano 1997. Os dous técnicos teñen moita experiencia no mundo do fútbol, xa que Juan Jesús, que será o primeiro adestrador, pasou polas categorías inferiores do Sporting de Xixón, entre outros equipos. César Sánchez será o segundo adestrador.  Xogou en conxuntos da terceira división, como o Negreira, que acadara o ascenso a 2ª división B, ou o Santa Comba, equipo onde pasou a maior parte da súa carreira. Dende a directiva do clube fisterrán agardan que os dous técnicos saiban levar ao equipo o máis alto posible. Novas relacionadas

• Unha ollada á Liga de Verán do Concello de Muxía.
• Varios apuntamentos de pretempada.

Fonte

• Nota de prensa da S.D. Fisterra.