Sábado. 10.12.2022
El tiempo

O Ponteceso FSF consegue a súa primeira vitoria da temporada na Liga Provincial

O Ponteceso FSF consegue a súa primeira vitoria da temporada na Liga Provincial

Se ben a Liga Autonómica descansa ata a vindeira semana, a Liga Provincial si que disputou xornada completa. O Fisober B caía rotundamente ante o Viaxes Amarelle B, e pese o resultado o filial do Fisober segue mellorando pasiño a pasiño, despois dun partido no que lle tocou defender durante moitos minutos, algo que tamén forma parte do aprendizaxe.

A boa nova a dérona as xogadoras do Concello de Ponteceso FSF, que vencían 5-1 ás Espartanas. Son os primeiros 3 puntos do Concello de Ponteceso, e alcanzan ao propio Espartanas, quedando a 1 só punto do Fisober B.
Ademais, A Salina de Esteiro perdeu 4-1 contra o Manureva, nun partido importantísimo ante un rival directo na zona alta, e quedana agora as esteiranas 4ª a 3 puntos de Manureva e Viaxes Amarelle B.

Liga Provincial

  • Resultado: CONCELLO DE PONTECESO F.S.F - ESPARTANAS (5-1).
  • A.D. VILA DE PONDAL-CONCELLO DE PONTECESO F.S.F: Salomé, Cris Santos, Ana, Martina e Alba. Tamén xogaron: Carmen, Anabel, Marta, Silvia, Rocío e Fany.
  • GOLES: 1-0.- Alba (min. 4); 2-0.- Carmen (min.12); 3-0.- Carmen (min. 28); 4-0.- Anabel (min. 36); 4-1.- Adriana (min. 44); 5-1.- Cris Santos (min. 46)
Bo partido o visto na tarde do sábado no municipal de Ponteceso, cun ambiente espectacular posto que nas bancadas había uns 120 espectadores de ambos os conxuntos, os cales non deixaron de animar aos seus equipos en todo momento. Empezaron os dous equipos con moita intensidade, as coruñesas intentaban presionar en toda a pista mentres que as locais esperaban no seu campo para saír ao contraataque cando recuperaban o balón, por mor dun destes roubos, chegou o primeiro gol para as pontecesanas, logo dun roubo de balón de Martina e un pase en profundidade para Alba que esta resolve no un contra un coa porteira visitante, adiantando así ao equipo local, transcorría o minuto 4. A locais viñeron arriba, en parte polos problemas das Espartanas para saír co balón controlado desde atrás, e en parte polo gran apoio recibido do seu público. Noutro roubo dun balón por parte do equipo local no medio campo, chegaría o segundo gol da tarde, obra de Carmen que volveu encarar á porteira visitante definindo con perfección. As Espartanas, vendo as súas dificultades para saír con balón xogado desde atrás, e logo de sufrir varias varias perdas perigosas, dedicouse a enviar balóns longos ao seu pivot Adriana, moi loitadora durante todo o encontro, pero tanto Ana como Cris santos, estiveron perfectas na súa marca. Con este resultado chegaríase ao descanso. Aos tres minutos da continuación, chegaría o terceiro gol para as locais na xogada máis bonita do partido, saca de porta Salomé en curto con Cris Santos, fai unha parede con Carmen e cambia o balón ata Martina que encara á porteira rival e asiste para que Carmen de novo, remate a pracer no segundo pau, xogada que desde a porteira local e en catro toques de balón introducen o balón na portería rival facendo que o chanzo convértase nunha festa. Nesta xogada púidose comprobar a melloría na faceta ofensiva das Pontecesanas que día a día se atopan máis cómodas na saída do balón, un quebradizo de cabeza que estaban tendo desde o principio da tempada. As visitantes mantiñan o xogo directo cara a Adriana, pero as peches locais estaban perfectas nas súas funcións. No minuto 11 desta segunda parte, chegaría o cuarto gol local, nun rexeite que a debutante Anabel pescou dentro da área. A 6 minutos para o asubío final, a visitante Adriana marcaría o único gol local nun remate a saque dun córner dentro da área, nun dos poucos fallos da zaga local. Xa finalizando o partido, Cris Santos anotaría o quinto e último para as locais nunha boa galopada e logo de cruzarse toda a pista, definindo ben ante a porteira visitante. Destacar o gran partido realizado por Ana e Cris Santos, tanto defensiva como ofensivamente e a gran melloría que están tendo tanto a nivel físico como táctico, tanto Martina como Alba. Destacar tamén o debut en partido oficial dos dúas últimas fichaxes do Ponteceso F.S.F, Anabel e Fany, dúas xogadoras xuvenís da comarca con moito futuro que xa levaban adestrando co equipo os últimos meses, ata Anabel de debutou con gol incluído. Desde o club, tamén queremos agradecer o gran apoio recibido polos nosos aficcionados que encheron o chanzo do Municipal de Ponteceso e que non deixaron de animar en todo o partido.

Liga Provincial

  • Resultado: VIAXES AMARELLE B – FISOBER “CONCELLO DE VIMIANZO” B (8-0).
  • AMARELLE B: Anabel, Peke, Yeye, María e Uxía ; tamén xogaron : Cruz, Regi, Lara e Cris.
  • FISOBER B: Martina, Iria, María, Tamara e Inés ; tamén xogaron : Laura, Cris, Loly, Natalia, Nuria, María Maroñas e Catty.
  • Goles: 1-0 Peke, 2-0 María , 3-0 Cruz, 4-0 Regi, 5-0 Uxía,( descanso), 6-0 Yeye, 7-0 Cruz, 8-0 Peke.

Remataba a primeira volta para o remozado filial do Fisober e facíao fronte a outro filial o dun equipo de Prata do Viaxes Amarelle un conxunto con moita máis experiencia e dos favoritos o título o cal gañou con comodidade.
Tocaba unha maña de moita defensa para as do filial do Fisober e tentar roubar para saír a contra. E con esa filosofía comenzou o partido , un roubo de Iria quen pasaba para a capitana visitante María a cal se atopaba ca parada de Anabel.

Pero os tres minutos xa chegou o primeiro gol das locais por obra de Peke. Un Amarelle que non deixou de poñer a proba a unha inspiradísima Martina na portería visitante que a pesares da derrota fixo un auténtico partidazo.

Así o fixo ante a local María ata en tres ocasións e ante Yeye noutras tantas . Pero Martina non podía paralo todo e unha combinación entre Cruz e María rematou co gol desta última e co 2 a 0 no electrónico os doce minutos de partido. O Amarelle seguíu a súa e Martina tamén, xa que freaba por dúas veces a Cruz. Logo era Regi a que mandaba o pau.
Aos quince minutos chegaba o terceiro gol local , despois dun tiro de Cruz. E solo un minuto despois o cuarto por mediación de Regi.
Tentaba desperezarse o filial do Fisober de vez en cando por medio de Inés, María ou Laura. Pero a tres para o fin foi Uxía quen dende a frontal facía o quinto. Aínda así Martina seguía o seu.

A segunda metade nacía co mesmo guión, ataque local e tentar pescar algo para as visitantes. De novo Martina seguía a ser un pesadelo para as locais xa que nin Cruz ata en tres ocasións, nin María en dúas conseguiron aumentar as diferenzas. Seguían tentando as visitantes reducir distanzas por mediación de Iria, María, Inés ou mesmo Laura.

Mediada esta segunda metade Martina deixaba o seu lugar na portería a Catti para que tamén puidera disfrutar do partido e aínda tivo tempo de facer algunha que outra intervención.
E os catorce minutos unha combinación entre as visitantes María e Laura a piques estivo de convertirse nun merecido gol para as visitantes.
Dezaseis minutos aguantaron nesta segunda metade sin recibir un gol as visitantes ata que Yeye facía o sexto a pase de Cruz.
Despois Catti paraba sendos lanzamentos de Yeye e Cruz. Ata que no 21 desta segunda metade Cruz facía o 7 a 0 e a dous para o fin foi Peke quen pechaba o electrónico co 8 a 0.

Vindeira xornada

No próximo partido, o A.D. Vila de Pondal-Concello de Ponteceso F.S.F desprázase a Abegondo para xogar o partido correspondente á xornada 10, aprazado no seu día, o cal celebrarase o vindeiro sábado 21 de xaneiro ás 17:00 no Pavillón de San Marcos en Abegondo, contra o C.D Mabegondo.

Máis información

Crónicas da campaña 2011-2012

Máis novas

Máis novas do Fisober

Fonte

  • Redacción de Deportes de QPC ([email protected]).
  • Nota de prensa do Fisober da man de Fran Toba..

comentarios