Remeiras do Club de Remo de Muros en Rianxo O Campionato territorial Norte de Bateis celebrado o pasado día 15 de abril em Rianxo demostraba o potencia do remo muradán en toda Galicia. O Club de Remo Muros e o AD Esteirana Remo conseguían uns resultados máis que destacados, metendo 5 dos seus equipos entre os 5 mellores das súas categorías, o que lles dá o pase para as Finais do Campionatio Galego.

O Club de Remos Muros conseguiu meter 4 embarcacións para o Campionato Galego de base de Bateis. Algo que non conseguira nunca. O Muros quedaba campión en Alevín Feminino (por diante de Celeiro, Mugardos e Cabo da Cruz), 4º en alevín masculino; 4º en Cadetes masculino, e 2º en Xuvenís masculino (só por detrás de Rianxo).

Pola súa banda, o cadro esteirán metía ao equipo de Xuvenil Feminino na Fase Final do Campionato Galego, pois as bravas remeiras quedaban na 4ª posición na proba de Rianxo.

Agora todas preparan a cita da vindeira fin de semana na Pobra do Caramiñal. Os vindeiros 21 e 22 de abril, a Pobra agarda esta cita senlleira. Está permitido soñar (os tres primeiros de cada categoría irán ao Campionato de España dos 28-29 de abril).

Pequenas remeiras do Club Muros en Rianxo

Fonte

• Redacción de QPC (info@quepasanacosta.com).