Chegou a primeira derrota do equipo sénior do Voleibol Dumbría en 2ª División. Pero tivo que ser fronte o líder da categoría, o CV Noia, por 1-3 con parciais de 25-22/17-25/16-25/13-25, nun partido no que en ningún momento do encontro os xogadores da Costa da Morte mostraron o seu mellor nivel de xogo, influenciados se cadra pola baixa do seu colocador Manuel Marcote.

Chegaban os 2 equipos invictos ó choque que se disputou o domingo día 16 ás 10:30 no Pavillón Municipal de Dumbría, onde se enfrentaba a xuventude do equipo local e debutante na categoría, fronte a veteranía dun histórico da máxima competición autonómica e favorito ó título.

Adiantábase o equipo dumbriés no primeiro set, onde predominaron os erros sobre os acertos, pero pouco durou a alegría xa que a partir do segundo set, os noieses apretaron no saque facendo errar á recepción do equipo local e dificultando o ataque dumbriés. Esto repetiríase o longo de todo o encontro, e o equipo dumbriés non era quen de atacar con facilidade e tampouco era capaz de frenar os ataques noieses nin no bloqueo nin na defensa dos seus xogadores zagueros.

Así pois haberá que esperar o seguinte encontro, que será o domingo día 30 a partir das 10:00 fronte o CV Boiro, para intentar conseguir unha nova vitoria.

Categorías base

Liga Gallega Cadete Masculino

O equipo do Voleibol Dumbría tivo xornada dobre: o sábado perdía 3-0 (25-18/29-27/25-22) con Oleiros e o domingo ganaba 3-0 (25-9/25-8/25-11) a Rianxo. Este equipo non está a demostrar o potencial do grupo e amosa moitas debilidades que aínda queda tempada para correxir.

Liga Gallega Cadete Femenino

Vitoria das cadetes do Voleibol Dumbría no seu desprazamento a Ourense para enfrentarse a Dompa por 0-3 (9-25/15-25/13-25) nun partido no que as dumbriesas foron moi superiores no saque o que decanto o partido claramente.

Liga Gallega Infantil masculino

O equipo do Manuela Rial perdeu ante Oleiros o equipo que lidera a clasificación por 3-0 (25-15/25-6/25-16) nun partido no que os locais foron moi superiores no remate que os nosos non poderon responder.

Liga Gallega Infantil femenino

As pequenas do Manuela Rial perderon o sábado ante Oleiros por 3-0 () e o domingo ante Noia por 3-0 (12-25/9-25/19-25) nun equipo en progresión que esta notando a pouca experiencia das súas xogadoras.

Vindeira xornada

Este domingo no Conco, mañá deportiva:

• 10:30h - Cadete femenino: Voleibol Dumbría - Emeve.
• 12:00h - Infantil masculino: Manuela Rial - Emeve.

Novas relacionadas

• 4 vitorias claras e unha derrota disputada para a familia do Volei Dumbría.
• Os Sénior do Volei Dumbría estréanse en casa con vitoria.
• O Volei Dumbría segue sumando vitorias.
• Histórico debut, con vitoria, dos Sénior do do Voleibol Dumbría.
• Os equipos de base preparan o camiño para o histórico debut dos Sénior do Volei Dumbría.
• O Volei Dumbría estrea equipo Sénior.
• Un internacional e un título autonómico para a familia do Volei Dumbría.
• A praia do Ézaro servíu de colofón para os campións galegos de Volei Praia.
• O Ézaro foi o centro do Volei Praia de toda España.
• O equipo sub-17 do Volei Dumbría vence a 2ª proba do Campionato Galego.
• O Volei Dumbría quedou aos pés das Semis do Campionato de España.

Fonte

• Volei Dumbría.
• Redacción de QPC ([email protected]).