Unha vez que comezamos o repaso á Liga de Fútbol Sala de Cee, facemos o repaso á xornada do 19 e 20 de novembro de 2011.

E o facemos coma sempre por arriba, onde os resultados dos nosos na Preferente foron dispares. Vencían os cadros xalleiros ante equipos lucenses da zona baixa, pero con sufrimento. Pola súa banda o Dumbría empataba en Ribadeo e o Soneira caía ante o 5º clasificado. Así, o Santa Comba queda 3º, o Xallas nunha cómoda 9ª posición, mentres que Dumbría e Soneira quedan 15º e 16º a 3 e 1 punto do descenso respectivamente.

Mala xornada para os nosos na 1ª, que caían en sendos e inxustos choques. O Cee non podía co Arteixo malia facer unha boa segunda metade; mentres que o Ponteceso viu como lle roubaban o partido no último minunto cun gol en clamoroso fóra de xogo.

A Liga da Costa segue vendo a un Camariñas imparable. E iso que o San Lorenzo fixo o seu mellor partido da tempada e non merceu a derrota, pero os de Manolín están en forma. Tamén vencía o Club do Mar, e ante un rival complicado como é o Dumbría B, que vai a menos no último mes. Con forza segue chegando o Fisterra, que superaba o sábado a un Buño que ve como o Corme o supera trala súa vitoria dando un recital en Zas. O Muros caía ante un Sofán que segue nun ritmo ascendente, pero mantén a 4ª praza.

A xornada na 3ª chega con cambio de líder. O empate entre o Coristanco e o Outes (ata onte 1º e 2º e hoxe xa 2º e 3º) deixa ao Cabana no máis alto da táboa, tras vencer noutro dos encontros da xornada ao Cerqueda. O Montelouro descansaba e queda a 4 puntos dos dous primeiros. Por detrás asoma o Carnota, que vencía con comodidade ao Camelle. Ademais, Fisterra B (cos puntos que sumou esta semana trala aliñación indebida do Muxía), Porteño e Volantes venceron e loitarán por entrar entre os 6 primeiros. Tamén loitarán Cerqueda e Laxe, pois é na 12ª, co Alcaián, onde se rompe a táboa.

Preferente, xornada 13

1ª Autonómica, xornada 12

2ª Autonómica, xornada 12

3ª Autonómica, xornada 15

Liga Nacional Xuvenil, xornada 10

Liga Xuvenil Sur, Gr.3, xornada 10

Liga Xuvenil Norte, Gr.4, xornada 14

División de Honra Cadete, xornada 10

2ª Cadete, xornada 12

2ª Infantil, xornada 12

Ligas de Veteranos, xornada 11

1ª División

2ª División

Máis información

• Resultados e clasificacións 2011/2012.

Crónicas da semana

• Comeza unha igualada Liga de Fútbol Sala de Cee.

Máis novas

• Vídeo entrevista co muradán Seluco.
• A Bitacora da Semana: O blog da S.D. Camelle.
• A bitácora da semana (CXLI): O blog do San Lorenzo de Verdillo.
• Video entrevista co xuvenil malpicán Juny.
• Un Dumbría descarado.
• Pablo Mouro: Primeiros Auxilios Básicos (II).
• Pablo Mouro: Primeiros Auxilios Básicos (I).
• Vídeo entrevista de Ángel Garrido a Alberto Pose.
• Vídeo entrevista a Manolo Varela por Angel Garrido.
• Vimianzo lembrou a Martín Pena.
• O Plan Competicional e a Liga á carta.

Fonte

• Redacción de Deportes de QPC (deportes@quepasanacosta.gal).