Xuvenís: Esteirana, San Lorenzo e Fisterra non recúan

15:41 20/02/18

O Xallas Xuvenil está moi mellorado Xornada 15 na Liga Unificada Xuvenil, e a atención segue posta na segunda praza. O Corme, líder destacado, descansaba esta fin de semana pero mantén 9 e 10 puntos sobre os seus inmediatos perseguidores, Esteirana e San Lorenzo. Non fallaban esteiráns e carballeses nos seus choques, nin tampouco o Fisterra, a só 3 puntos dos esteiráns. Os tres equipos protagonizarán unha fermosa loita pola segunda praza que dá acceso á Fase de Ascenso á Liga da Costa, esperando ademais algún erro do líder que o poida poñer nervioso nestas últimas 9 xornadas de liga. Xa saben que a semana pasada a Outes retirábase da competición por problemas de efectivos, e o Comité decidía anular os seus partidos da segunda volta, mantendo os da primeira. Xa temos feito os cambios en www.futboldacosta.com.

Pichichis

XOGADOR	EQUIPO	PARTIDOS XOGADOS	GOLES	PROMEDIO
CASAS RAMOS, SANTIAGO	S.D. LAXE	22	45 (4 de penalti)	2,0455
BARDANCA CARBALLES, ADRIAN	CAMARIÑAS F.C.	21	30 (4 de penalti)	1,4286
MOREIRA ROMERO, FRANCISCO	SONEIRA S.D.	21	30 (4 de penalti)	1,4286
CASAS VAZQUEZ AARON	SAN LORENZO S.D.	22	30	1,3636
COSTA SUAREZ, SAMUEL	CORME C.F.	21	26 (2 de penalti)	1,2381
LOPEZ ROIBAL DAVID	SOFAN S.D.	20	25 (2 de penalti)	1,2500
CASTRO FERNANDEZ DIEGO	S.D. CORISTANCO	17	24 (3 de penalti)	1,4118
BERMUDEZ BLANCO, JOSE M	CORME C.F.	23	23	1,0000

Fisterra - Baio (7-1)

Fisterra: Jose Carlos, Miguel (Puyol, m.70), Rui, Ángel, Diego, Manu (Ezequiel, m.65), Pichino (Xanxixo, m.60), Cristopher (Benlloch, m.55), Iván Escarís, Isaac (Sergio, m.60) e Aarón.
Baio: Julián, Regueira, Jose, Queiro (Ariel, m.65), Iago; Dylan, Sergio, Santi, Anxo (Manuel María, m.20), Anibal (Romero, m.75) e Raúl.
Goles: 0-1: Anibal de penalti; 1-1: Cristopher; 2-1: Aarón: (descanso); 3-1: Aarón, 4-1: Isaac; 5-1: Isaac; 6-1: Xanxixo; 7-1: Ezequiel.

Comezou o Baio moi enchufado mesmo meténdose por diante cun penalti transformado por Anibal pero que provocaba a lesión de Anxo. Unha lesión que condiciou o choque pois o dianteiro baiés estaba facendo moito dano ás costas dos defensas fisterráns. Pero o Fisterra, que xa mandaba co balón ante un Baio pechadiño, ía achegándose á meta visitante, ata que nunha fermosa xogada de Isaac conseguen o empate cando os baieses quedaban parados pensando que o balón saíra do campo. Antes do descanso, o Baio tivo o 1-2 nun man a an de Raúl, pero de seguido, unha nova xogada tremenda de Isaac, ao que a categoría lle queda pequena, permitía que Aarón fixese o segundo, marchando con vantaxe ao descanso. Nada máis comezar Aarón facía outro golazo e aí rompíase o partido sendo moi superiores os verdes.

Muxía - Esteirana (1-3)

Muxía: Roi, Evaristo, Marce, Cheo, Vilela, Miguel, Xan, Raúl, Mario, Pablo e Rodri.
Esteirana: Dani, Joaquín (Álex de Dina), Kevin, David de Noia, David (Priegue); Álvaro, Xian (Rubio), Jaime, Juan, Roberto, Carajillo.
Goles: 0-1: Mario; 1-1: Carajillo; 2-1: Roberto; 3-1: Rubio.

Partido igualado, que non reflectiu a diferencia na táboa, con maior dominio da Esteirana ante un Muxía moi ordenado en defensa que non permitía grandes ocasións e que ata saía á contra, creando constantes ocasións de gol que non se materializaron. Xan e Mario non estiveron acertados ante o meta esteirán, ata que Mario si abría o marcador. Ese gol espertou aos blaugranas, que reaccionaron e empataron antes do descanso. Na segunda parte o partido seguiu sendo competido e aínda que a Esteirana se adiantou o Muxia tivo unha clara ocasion para empatar. Ao final, a calidade individual dos esteiráns decantou o choque marcando o 1-3 nos minutos finais.

Ponteceso - Corcubión (0-0)

Corcubión: Marcos, Martín, Fran, Oca, Sergio, Álex, Samu, Xuli, José Ángel, Luis e Jon.

Ponteceso Xuvenil Con 11 xustos chegaba o Corcubión a Ponteceso e quedaría con 10 antes do minuto 10 por lesión de Luis Lojo. Cun home menos durante practicamente todo o partido, os visitantes dedicáronse a defender ordenados e buscar ter algunha oportunidade por medio de Jon como única referencia. O Ponteceso dominou o xogo pero enfrente atopou unha defensa que desbaratou os seus ataques, que unido á súa falta de puntería en numerosas ocasións e ó acerto unha semana máis do porteiro visitante Marcos farían que o marcador non se movera en todo o encontro.

San Lorenzo - Laxe (6-0)

San Lorenzo: Darío, Fidalgo, Eloy, Álex Fernández, Esteban, Pablo Garrido, Jose, Álex Rodríguez, Aarón, Brais e Iván. Tamén: Alberto, Cotelo e Benjamín.
Laxe: Manuel Pablo, Valentín, Samu, Álvaro, Ordóñez, Juan Lema, Bieito, Miguel, Jesús, Íñigo, Santi Casas. Tamén: Iago.
Goles: 1-0: Aarón; 2-0: Brais; 3-0: Aarón; 4-0: Brais; (descanso); 5-0: Cotelo; 6-0: Cotelo.

Con innumerables baixas se presentaba o Laxe en Verdillo, e pouco puido facer ante un dos de arriba, que xa comezaba mandando, tendo o balón de inicio a fin, moita combinación e creando perigo en balóns as costas dos defensas cos tres dianteiros e as incorporacióna de Fidalgo. Así chegaron os 4 goles da primeira parte, cos goles repartidos de Aarón e Brais. Xa na segunda, baixaba notablemente a intensidade e tiña algo máis de perigo a contra o Laxe, que tiña dúas claras nos pés do seu capitán pero resolvía os man a man Darío de maneira excelente. Chegarían cara ao final os dous ultimos goles locais por parte de Cotelo.

Cabana - Coristanco (3-3)

Cabana: Marcos, López, Rubén, Samuel, Dani, Breo (Cristian), Castro, Nando, Simón, Alberto e Yago.
Coristanco: Cancela, Iago, Cristian, Sebastián, Álvaro, Cambón, Dani, Braian, Black, Eloy e Amado. Tamén: Borja, Ezequiel, Esteban e Varela.
Goles: 0-1: Eloy; (descanso); 1-1: Alberto; 2-1: Cristian a pase de Castro; 2-2: Sebas marca un golazo pola escuadra dende lonxe; 3-2: Rubén de penalti; 3-3: Cambón de cabeza.

Bo partido nas Redondas entre dous bos equipos que aspiran a esa 5ª praza que queda detrás do grupo de cabeza. O Coristanco segue con moitos problemas, pois Eloy quedou apenas sen xogadores de ataque, mesmo tendo que tirar de cadetes e con dous porteiros facendo de xogadores de campo. Aínda así, os coristanqueses non deixan de pelexar cada partido. E este tamén o loitaron e se colocaban por diante. O Cabana mantiña a o control nun choque co gran intensidade, de idas e voltas continuas con mi boas paradas de ambos porteiros e con moitos fallos claros dentro da área que impediu que o partido fora de moitos goles. Aínda así foi un partido moi bonito de ver pola intensidade, e pola loita. Intercambio de golpes na última media hora, cun penalti dubidoso a favor do Cabana e un gol en posible fóra de xogo do Coristanco, para asinar un bregado empate.

Xallas - Sofán (3-2)

Xallas: Fabián, Peke, Pablo, Dani (Pablo, m.70) Fabián, Brais (Héitor, m.60), Mourelle, Nando, Kevin (Calo, m.75), Manuel e Guillín.
Sofán: Iván González, Alberto Rodríguez, Alex Docampo, Gabriel Bello, Nacho Eirís, Sebas Cabeza, Eloy Cabeza, Sergio García, Nacho Moreno, Simón Diaz e Aarón Sánchez. Tamén: Adrián Martínez, Fabián Lamas, Diego Garcia e Daniel González.
Goles: 0-1: Simón Díaz; 1-1: Brais tras un córner; 2-1: Manuel nunha contra perfecta; (descanso); 2-2: Gabriel Bello; 3-2: Peke de córner directo.

Partido igualado, con algo máis de dominio local por parte dun Xallas moi mellorado no último mes. Pero era o cadro carballés o que se adiantaba practicamente na primeira chegada á area local. Á media hora empataba o Xallas, que se adiantaba antes do descanso tras unha gran contra, despois de que o Sofán volvese acusar a falta de pegada. Pero a segunda arrincaba co empate sofanista que deixaba o partido aberto. Tivo aí o Sofán o partido, pero foi o Xallas, de novo noutra ocasión a balón parado (gol olímpico de Peke), o que se permitía afrontar a última media hora con vantaxe e manter o resultado.

O Xallas celebrando unha das súas últimas vitorias

Os Miúdos - Camariñas (5-2)

Os Miúdos; Alberto, Isma mayo (Sergio), Xian, Flavio, Dani (Alón), Abel (Jesús), José, Gesto, Ismiña (Javi), Gael e Rubén.
Camariñas: Sergio; Juanito, Gabriel, Anxo, Luís; Brais (Lucas, m.70), Nando (Joseba, m.55), Fran, Mario, Eric e Adrián.
Goles: Rubén (3), Gael e Jesús para os Miúdos; Adrián (2).

Sairon durmidos os camariñáns e en apenas 10 minutos os locais xa marcaran 2 dous tantos. Pouco máis na segunda metade, e tralo descanso, novo gol local. Aparecíu Adrián para recurtar pero os muradáns non deixaron meterse no partido ao cadro palilleiro.