Numerosas actividades culturais e sociais neste Entroido de Cabana de Bergantiños. Un Entroido comprometido, onde os veciños do concello e arredores poderán participar nas seguintes actividades :

As actividades festivas dan o seu comezo o domingo 19 de febreiro no Centro de Maiores de Neaño co baile de Entroido no que se poderá disfrutar en directo da actuación de J. Santana.

O martes 21 de febreiro chegaremos ó Martes de Entroido, festivo local e prato forte do entroido en Cabana de Bergantiños. A oferta lúdica, centrada en xogos e obradoiros, gastronomía a base de filloas, exposición fotográfica, música e pasarelas de disfraces serán a escusa imprescindible para que os veciños do concello e arredores pasen a tarde do martes de Entroido en Cabana.
As pasarelas e concurso de disfraces comezarán ás 18.30h da tarde coa pasarela infantil, onde se convidará a merendar a todos os participantes.
Para o concurso de comparsas, onde se repartirán preto de 1000 euros en premios, será preciso a inscrición previa e será presentado polo humorista e animador Pedro Brandariz.
Tralo agasallo e agradecemento a todas as filloeiras que traballarán arreo toda a tarde, o fin de fiesta correrá a cargo do Dúo Principal, encargado de animar o baile de disfraces.

A Ataxia na Costa da Morte

Outra actividade importante, no apartado de servizos sociais terá lugar o sábado 25 de febreiro, ás 16.15 horas coa presentación dos resultados da investigación sobre a Ataxia na Costa da Morte. Terá lugar no Auditorio Municipal e nela participarán varios especialistas e investigadores ademais de membros da Asociación Galega de Ataxia.

Domingo de Piñata

Para pechar a tempada, a última actividade salientable será a tradicional Xuntanza da Terceira Idade, para o domingo de Piñata (26 de febreiro). Xa vén sendo unha cita habitual e moi esperada, celebrándose un ano máis coa intención de que «os maiores» de todos os lugares e parroquias de Cabana de Bergantiños poidan gozar dun día de alegría, diversión e encontro con familiares, veciños e amigos.
Os actos previstos para este día no que se cumpre a súa XIV edición son: celebración da santa misa, invitación a xantar, actividades recreativas e baile.

Por motivos de organización, todas aquelas persoas maiores que queiran participar no evento deberán retirar a invitación na Casa do Concello antes do día 24 de febreiro.

Para poder desprazarse ata o Pavillón, o Concello porá a disposición dos asistentes un servizo gratuíto de autobuses o cal se poderá coller nas tradicionais paradas escolares que hai en cada parroquia.

Novas relacionadas

• Entroido Cabana 2010: Multitudinario Martes de Entroido en Cabana de Bergantiños.

Outros entroidos da Costa

• Camariñas: 3 días de cor no Entroido de Camariñas.
• Laxe: Caietano será de novo o efímero protagonista do entroido social de Laxe.
• Corcubión: Corcubión non quere perder o seu ácedo entroido.
• Malpica: A Mikaela e o Farruco serán protagonistas do Antroido de Malpica.
• Ponteceso: Ponteceso celebrará un Entroido de Disfraces.
• Muxía: Os pinchos serán, unha vez máis, os protagonistas do entroido muxián.
• Zas: Pequenos e maiores protagonizan o entroido de Zas.
• Carnota: Concello e Asociacións presentan un Entroido de orellas, Urdangarines e Duquesas en Carnota.
• O Pindo: O Pindo prepárase para a invasión vikinga do Entroido.
• Cee: Cee presenta o seu Entroido.
• Dumbría: Dumbría presenta o entroido máis desexado.
• Fisterra: Santi Caneta será o pregoeiro dun Entroido de Fisterra que xa ten cartel.
• Vimianzo: Vimianzo tamén quere un entroido de primeira.

Fonte

• Concello de Cabana.