Xa comeza a arrecender a retranca pola Costa da Morte, unha vez que o Entroido máis tradicional da Costa da Morte lanza as súas bases para o gran Concurso de Comparsas, que se celebrará o martes, 4 de marzo ás 18:00h, no pavillón.

Un concurso que é a envexa da comarca gracias a esa retranca natural e a esa posta en escena tan currada por parte das comparsas locais, pero que ten tamén a porta aberta á participación de grupos doutros puntos da comarca.

A contía dos premios será potente, con 1.700 para o gañador, 1.400 para o segundo e 1.200 para o terceiro; pero tamén o resto das comparsas participantes levarán 350€.

A inscrición para as comparsas será do 6 ao 20 de febreiro a través da web municipal.

Ademais, o Concurso infantil e de adultos de disfraces vaise celebrar o domingo, 2 de marzo, ás 17:00h na praza da Constitución de Fisterra, e a inscrición será o propio día, na praza da Constitución de Fisterra, en horario de 16:00 a 17:00h

CRÓNICAS DO ENTROIDO FISTERRÁN

• 2024: O Entroido fisterrán volveu tirar de retranca.
• Entroido Fisterra 2023: Fisterra recuperou a súa retranca.
• Entroido Fisterra 2022: Voltou o Entroido a Fisterra. Voltou a Festa.
• Entroido Fisterra 2020: Eló non vale un mundo o Entroido de Fisterra?!.
• Entroido Fisterra 2019: O Entroido de Fisterra, entre a tradición, a innovación e a retranca.
• Entroido Fisterra 2018: O Entroido de Fisterra, máis sagrado que a Resurrección.
• Entroido Fisterra 2017: As comparsas agudizan a crítica en Fisterra.
• Entroido Fisterra 2016: O gran Entroido “peatonal” de Fisterra.
• Entroido Fisterra 2015: A retranca, polas veas de Fisterra.
• Entroido Fisterra 2014: A copla ten canteira no Entroido de Fisterra.
• Entroido Fisterra 2013: A copla sobrevive no Entroido de Fisterra.
• Entroido Fisterra 2012: Un impresionante entroido ácedo e indignado en Fisterra.
• Entroido Fisterra 2011: “Un Entroido que vale un Imperio”.