Menudo día que fixo o pasado sábado 25 de outubro para a Carreira Pedestre de Fisterra, pertencente ao I Circuito de Carreiras Populares Costa da Morte. Uns 200 atletas, entre eles 70 na máxima categoría, encheron de deporte as rúas da vila do Cristo.

Coma sempre, a carreira dos 10K foi a máis esperada, i é que a Clasificación Xeral está máis que apretada. Podían aproveitar os perseguidores para recurtar puntos ante o coristanqués Cristian Muíño, que acodía á proba internacional de Santiago o domingo, quedando no posto 53º.

O vimiancés Míchel Antelo recurtoulle puntos, tras quedar 2º por detrás de Alberto Carou Carril, do At. Bertamiráns, e por diante do zaense César Vázquez Agra. Completaron os primeiros postos moitos costeiros: se 4º foi o compostelán Xosé Antón Barreiro, 5º foi o vimiancés David Calzas, 6º o carballés dos Muditos Andrés Eirís Barca, 7º o xalleiro Gonzalo Silva Brenlla; 8º o ceense de Brens Arturo Pasantes, 9º, o corcubionés José Manuel Lago Cés, con aparición por aí do ceense Kiko Santiago (11º), o muradán José Ramón Mayo (12º), o laxense José Manuel Santos Pose (13º), os ceenses Juan Castiñeira (16º) e Javier Barrientos (17º), o vimiancés Jesús Santos (18º) ou o laxense Julio Romero (20º).

En féminas, a primeira costeira foi a vimiancesa Jenny Moledo París, que chegaba na 4ª posición, 58º da xeral.

Tantos nomes costeiros entre os primeiros dos 70 participantes, dan conta da moda que se está creando arredor do running na nosa bisbarra. E a gran participación nas categorías inferiores, cheas de rapaces do Olimpia, de Fisterra e de toda a volta, así o corroboran.

Carreira en Lariño

Esta fin de semana tamén tiña lugar a Carreira Salvemos o Faro de Lariño. Unha carreira na que mesmo competíu algún bravo que foi pola tarde a Fisterra. O campión foi o muradán Manu Dosil, por diante do veterán compostelán Xosé Antón Barreiro, que tamén correu en Fisterra. O ceense, alma do Olimpia, Jorge Lariño, quedou 3º, e o dumbriés Josecho González Rey, 6º, dous postos máis adiante que o mítico José Vicente Triki, que ademais da bibicleta tamén lle dá as carreiras.

Pensando xa en Muxía

Deste xeito, os atletas xa preparan a I Carreira Pedestre de Muxía, que se disputará o vindeiro 16 de novembro. Poden inscribirse ata o mércores 12 para unha proba con este perfil.

Os peques do Olimpia triunfan

O ceense Javier Rodríguez da Asociación Deportiva Olimpia proclamouse este domingo vencedor infantil da carreira popular galega con máis fama, prestixio e afluencia, a gran Carreira Popular Pedestre de Santiago que se celebra periódicamente o último domingo de outubro e que recolle a participantes procedentes de toda Galicia, de España e Portugal.

Máis información

• Resultados da Carreira de Fisterra.

• Información sobre a Carreira Pedestre de Muxía [pdf].

Novas relacionadas

• A Carreira de Cabana deixa máis apretado o Circuto Correndo pola Costa da Morte.
• Cristian Muíño e Míchel Antelo pelexaron na simpática Carreira Popular de Corcubión.
• 8 Concellos participan no I Circuito de Carreiras Populares Costa da Morte.
• A Carreira das Areas batíu todas as marcas.
• Vimianzo e Dumbría soben á bici en setembro.
• 7 heroes completan o Ultratrail Camiño dos Faros.

Fonte

• Redacción de QPC ([email protected]).