Segue o mundo da música tradicional de toda Galicia lembrando a necesidade de facer unha gran homenaxe ao eterno acordeonista da Costa da Morte. Pazos de Merexo, finado en marzo de 2019 pouco despois de ser recoñecido Mestre da Memoria pola AELG, foi moito máis que un acordeonista. A súa impilcación na vida social (moitos lembran aqueles tempos da loita contra o Plan Acuícola como percorría a comarca co acordeón a costas) e o seu compromiso coa transmisión xeracional da nosa tradición (non hai máis que ver ao seu neto Adrián seguindo a tradición), fan de Pazos unha figura mítica para a escea galega, que mesmo lle ten creado un disco.

Ten recibido boas homenaxes e merecidas homenaxes en vida, pero a comunidade cultural débelle outra.

Por iso, este vindeiro luns 9 de maio ás 19:30h, o Bela Fisterra acollerá un evento tremendamente emotivo. Xentes como Xurxo Souto (que xa nos ten escrito sobre el), Rosalía Fdez. Rial, Brais Maceiras, Bieito Romero, Bieito Romero Diéguez, Irma Macías, Fernando Fraga, Alberte Núnes, Anxo da Carreirana, Xosé Manuel Varela e mesmo o seu neto Adrián, non faltarán para participar neste concerto homenaxe. Un concerto aberto a todo o mundo e con entrada de balde.

Un Concerto que será gravado por Bocixa que terá a participación de Kepa Junquera, co que viviu marabillosas xornadas de convivencia musical no mesmo lugar de Merexo en 2013 e na Fundación Eduardo Pondal en nunha máxica noite de 2010.

ARTIGOS RELACIONADOS

• Viki Rivadulla: Pazos de Merexo.
• Xurxo Souto: Pazos de Merexo, o mestre do acordeón diatónico da Costa da Morte.

Novas relacionadas

• Marzo 2019: Silenciouse o acordeón de Pazos de Merexo .
• Xullo 18: A cerimonia do nomeamento Pazos de Merexo Mestre da Memoria.
• Maio 18: Pazos de Merexo xa é Mestre da Memoria pola AELG.
• Abril 15: Muxía rende unha sentida homenaxe ao gran Pazos de Merexo.
• 2015: Pazos de Merexo xa ten o seu disco.
• 2014: “Pazos de Merexo debería de ser patrimonio da UNESCO”.
• 2013: Día de emocións e sorpresas con Kepa Junkera e Pazos de Merexo.
• 2010: Máxica noite con Kepa Junkera e Pazos de Merexo no Couto.

Fonte

• Redacción de QPC ([email protected]).