1ª Autonómica: Segue a seca

1ª Autonómica: Segue a seca

08:25 28/11/11

A 13ª xornada non foi moi positiva para os nosos na 1ª. O Ponteceso arrincaba un punto de Carral que non o saca de problemas, pero polo menos permítelle seguir sumando. Pola contra, o Cee caía na casa ante un potente Olímpico e se mantén como pechacancelas.

Así e todo, entre o Cee e o 10º clasificado hai tan só 6 puntos.

Cee - Olímpico (0-1)

Cee: Parroto, Nico (Víctor, min.72), Jorge (Rubén, min.60), Julio, Rafa, Fermín (Penedo, min.50), Piquero, Ángel, Tasky, Diego, Fer.
Gol: 0-1, min.47; Gol protestado polos locais por suposto fóra de xogo.
Expulsión: Penedo no min 81 por vermella directa.

Volvía caer, sen merecelo, o Cee na casa. A primeira metade da primeira parte estivo dominada polo Olímpico que tivo as mellores ocasións. Pero os últimos minutos da primeira parte foron para o Cee que empezou a chegar con mais perigo, sobre todo nunha gran xogada de Piquero á que non chega a rematar Fer.

Na segunda parte o gol temperán do Olímpico non afectou aos nosos que se foron a polo partido xogando con defensa de tres. As dúas ocasións máis claras do Cee foron un cabezazo de Tasky que paraba Manu cunha gran estirada, e a segunda tras unha falta de Diego que rexeitaba Manu primeiro e que Fer remataba e volvia a rexeitar o meta visitante, respondía Victor e rebotaba nun defensa e Rafa aproveitábase do rebote e no punto de penalti só, mandaba o balon ás pernas dun defensa que despexaba a corner.
Outra expulsión moi rigorosa de Penedo por protestar deixaba minguado ao Cee que o seguiu intentando nos últimos minutos sen sorte.

Carral - Ponteceso (2-2)

Ponteceso: Norberto, Nando, David, Fabián, Dani Pallas, Carlos Mato, Tucho (Pablo Vázquez, min,46), Luisete, Josito (Zalo, min.80), Mendieta, Pitu (Alex, min.88).
Goles: 1-0, min.2; 1-1, min.5: en propia meta tras un centro de Luisete; 2-1, min.39; 2-2, min.59: Josito marca un golazo de falta directa.
Expulsión; Dani Pallas, min.87, por doble cartón.

Unha parte para cada un e un empat final bastante xusto. Saíu o Carral moi potente e rocoso na primeira metade e o Ponteceso só podía sacar a balón longo. O tanto inicial dos locais era anulado por un tanto en propia tras un bo centro de Luisete, pero antes do descanso o Carral volvía porse por diante.

Na segunda, a saída de Pablo Vázquez asentou o medio campo e o Ponteceso domintou durante practicamente todos os minutos. Josito asinaba o empate cun golazo de falta directa. Só contra o final, nos últimos 5 minutos, apretou o Carral pero "San Norberto" salvou dúas ocasións moi claras que manteñen un punto para os de Marco.