22 xornadas da 3ª da Costa e a cousa segue tremendamente igualada. Parece que un grupo de 5 equipos loitarán polo título pois entre líder, o Cabana de Pablo Mallón, e o 5º, o Montelouro, só hai 6 puntos de vantaxe. I é que o Cabana saca xa 4 puntos ao Carnota, coa súa vitoria ao Coristanco, ata onte 2º empatado co Outes. Perdía tamén o Outes en Carnota, quedando agora os de Cambeiro nesa 2ª praza. O Montelouro sufría e moito para vencer en Laxe, completando asi o grupo de 5.

Por detrás chega outro grupo, agora case que de 3, trala derrota do Laxe. Volantes, que sufría ante o Xaviña, Porteño e Cerqueda, que non pasaba do empate ante o Soneira B, loitarán tamén por entrar nesas 6 prazas que, en principio, darán pé ao ascenso.

Xaviña - Volantes de Baño (1-2)

• XAVIÑA: Pablo, Jallejo, Juan Antonio, Juan (Caamaño, min.64), Sergio, Búa, Frutos, Adrián, Martín, Elvis (Carlos Brión, min.60) e Alberto.
• VOLANTES: Iago, David, Maikel (Mou, min.65), Fran, Paquy (Javi de Baño, min.46), Nimo, Ramon (Ivi, min.75), Edu (Pardelo, min.57), Brais, Piti e Seluco.
• Goles: 0-1, min.40: Brais; 0-2, min.66: Nimo; 1-2, min.74: Frutos.

Sufrindo o Volantes, coma sempre fóra de casa, nun partido bronco con pouco xogo e moito balón aéreo. Brais abriu o marcador ao recoller un balón rexeitado do pau tras un taconazo del. Co gol de Nimo na segunda metade, tras rematar un centro de Seluco, semellaba que ía ser doada a vitoria, pero o gol do local Frutos, de vaselina, complicouna moito e os de Baño acabaron pedindo a hora. Os locais reclamaron un gol anulado a Caamaño.

Lira - Corcoesto (1-0)

• LIRA: Kike, Miche (Oscar, min.65), Pelexo, Fran, Jose, Suso Patachin (Iago, min.75), Manolo, Edu (Yerai, min.60), Suso Perico, Ancho (Gabri, min.65) e Fran Perico.
• CORCOESTO: Siro, Lista, Edu, Manuel, Germán, Uro, Javi, Pablo, Martín, Rodri e Couto.
• Gol: 1-0, min.20: Suso Patachín.

Partido moi rocoso o vivido no campo de Portocubelo onde a sorte dos locais cos penaltis e un destello de calidade de Suso Patachin fixeron que os locais cederan a última praza de Terceira ao Corcoesto. Na primeira metade o Corcoesto meteu as ocasións e gol os de Lira. Ao cuarto de hora unha falta de Manolo provocou o primeiro penalti a favor dos visitantes, lanzou Pablo e o balón foise por enriba do longueiro. Pouco despois Manolo resarciríase dando a asistencia do único gol do partido a Suso Patachin que antes de que o porteiro se achegase acometeu unha preciosa vaselina. Os de Corcoesto terían dous tiros aos paus por medio de Rodri, pero semellaba que non era o día para marcar. A segunda metade foi de control alterno e con moito mediocampismo chegando o perigo en ambas áreas por medio de balóns en longo e a balón parado. A rentes do final unha falta de Pelexo sobre Martín dentro da área deu lugar ao segundo penalti a favor dos visitantes, desta lanzou Javi e o meta Kike detivo o balón dándolle os tres puntos aos lirachos que saen do farolillo vermello.

Laxe – Montelouro (1-2)

• LAXE: Illote, López, Aarón, Naya, Óscar (Zurich, min.46), Pinto, Borja, Felipe (Samuel, min.15), Rellán (Rivera, min.46), Darío, Iván Ferreiro.
• MONTELOURO: Isma, Pablo, Jeiko, Chema, Canelo, Fernando, Raúl (Teo, min.75), Denís, Pesco (Dani, min.65), Jarondo (Edu, min.55 (Jose, min.85)) e Rico.
• Goles: 0-1, min.2: Jarondo; 0-2, min.85: Rico á contra de vaselina co porteiro a media saída; 1-2, min.93: Samuel.
• Lesións: Felipe con rotura de fibras.

Tivo que sufrir moito o Montelouro para sacar os tres puntos en Laxe. Os xogadores de Canelo comezaron moi ben a primeira metade, tiveron ocasións e adiantáronse nada máis comezar por medio dunha xogada individual de Jarondo dentro da área. Este gol inicial foi un lastre para o Laxe que levou a batuta pero non estivo acertado cara gol.
Na segunda metade os locais foron pechando aos de Louro na súa área e puideron empatar, non o fixeron o Rico pillou unha bolea fóra da área nunha contra e marcou un fermoso gol que lle deu a tranquilidade aos visitantes. O Laxe recurtou distancias xa en tempo de desconto (o colexiado ampliou ata 12 minutos), pero non tivo marxe para a igualada.

Fisterra B - Alcaián (4-4)

• FISTERRA B: David, Didier (Dudo, min.46), Eloy (Cote, min.46), Pablo, Eddy, Jorge, Cote Xuvenil , Cristian, Carlos, Dany (Gabi, min.80), Insua.
• ALCAIAN: Rizos, Andres (Nahuel, min.65), Diego, Pombo, Víctor, Pio, Luis, David (Portillo, min.75), Roberto, Ruben e Tote.
• Goles: 0-1, min.10: Roberto; 0-2, min.20: Roberto; 1-2, min.35: Insua; 1-3, min.55: Tote; 2-3, min.60: Insua; 3-3, min.65: Eddy; 3-4, min.80: Rubén; 4-4, min.85: Cote Xuvenil.

Partido de arriba abaixo, con alernativas no xogo e no marcador. o Aocaián sempre foi por diante no marcador, pero os novos fisterráns tiraban de garra e calidade para poñer o empate, ata en 2 ocasións.

Soneira B - Cerqueda (0-0)

• SONEIRA B: Víctor, Vicente, Pichón, Alberto, Curra, Jemisa, Chans, Cristian de Cereixo, Cho (Richi, min.56), Capote e Cristian de Carantoña (Chuchi, min.72).
• CERQUEDA: Rubén, Jorge (Baston, min.75), Athu (Manu, min.18), Javi, Rober, Dani, Lorenzo, Dani Añón (Cote, min.60), Nión, You (Juanjo, min.56) e Alex.
• Expulsión: O local Capote (min.92) por dobre cartón amarelo, o último por protestar.
• Lesión: O visitante Athu (min.18) cun golpe nun nocello.

Xornada matinal para Soneira e Cerqueda que acabou en táboas. O Cerqueda levou o peso do encontro, pero non foi quen de bater a Víctor. Na primeira metade, a rentes do descanso hou un arreón dos visitantes que gozaron de catro ocasións claras de gol, non marcaron e iso deulle alas aos rapaces do filial para loitar aínda máis en defensa. A medida que pasaban o minutos máis cómodo estaba o Soneira B, que sen crear ocasións claras de gol, tampouco as sufriu.

Cabana - Coristanco (4-1)

• CABANA: Añón, José, Marcos, David, Pancho, Diego (Eloy García, min.66), Sandro (Jacobo, min.15), Darío (Adrián, min.79), Josiño (Fernando, min.81), Rubén Rama e Nando (Eliseo, min.69)
• CORISTANCO: Pombo, Arantón (Mallón, min.56), Morientes, Germán, Marcos, Luis, Pazos, Benítez, Castro (Carlos, min.46), Sergio (Adrián, min.65) e Toniño.
• Goles: 1-0, min.25: Rubén Rama; 2-0, min.45+4: José; 3-0, min.51: Marcos; 3-1, min.80: Toniño, de penalti; 4-1, min.86: José.

Levouse o Cabana o duelo de candidatos ao ascenso contra un Coristanco que, pese a ser o equipo menos goleado da competición, o sábado non puido facer gala desa sobriedade atrás. Viuse demasiado fútbol directo e pouco espectáculo, a pesar dos cinco goles. Acabou encontrando premio a maior valentía dun Cabana que, sobre todo nos compases iniciais, mostrou moito máis arrollo de cara ao marco rival.

Camelle - Porteño (1-4)

• CAMELLE: Carlos, Adrián, Mauri (Alvaro Pantera, min.78), Manuel, Coruña, Valiña, Carlos, Alvaro (Tedin, min.46), Mario, Barreiro e Jose (Sergio, min.46)
• PORTEÑO: Jimy, Brais, Piti, Maikol, Oscar (Rubén, min.83), Asier, Cousillas, Iago da Ponte (Gabi, min.70), Brais (Alex Camean, min.55 Varela, min.60)), Wi (Pablo Santacristiña, min.65) e Jorge.
• Goles: 0-1, min.15: Brais da Ponte; 0-2, min.20: Piti, de penalti; 0-3, min.30: Jorge; 1-3, min.50: Mario, de penalti; 1-4, min.90: Cousillas.
• Expulsións: O visitante Piti (min.40) por dobre cartón amarelo e o meta local Carlos (min.80).
• Lesión: Alex Camean, tivo que retirarse do terreo de xogo tras recibir un cobadazo, foi ao hospital de Cee e logo para A Coruña con perda de visión nun ollo.

Non foi doado o derbi para o Porteño, pese o amplo marcador sufriron no arranque do partido, mesmo tiraron un balón ao pau co 0-1 no marcador por medio de Valiña os de Camelle. O Porteño tivo as ocasións e marcounos, mentres que os camelláns non, esa foi a principal diferenza na primeira metade. Na segunda, e con superioridade, os locais seguiron presionando e marcaron pronto de penalti o que lle deu alas para crer na remontada, pero non souberon aproveitar a superioridade os locais, comezaron a practicar un xogo moi directo e non souberon atacar a ordenada defensa porteña. A lesión do coruñés Alex Camean foi a nota negativa do encontro. Xa co tempo cumprindo e cun xogador de campo na porta trala expulsión do meta local, Cousillas marcaba o terceiro un tiro lonxano que se foi por toda a escadra.

Carnota - Outes (3-0)

• CARNOTA: Peipo, Tono da Caixa, Pedro, David, Andrés Fandiño, Jacobo (Manolo Chouza, min.90), Manuel Luís (David Castreje, min.92), Rodrigo e Borja Santos (Boni, min.85), Joselu (Manoliño, min.65) e Gabri (Pumuki, min.65).
• OUTES: Gato, Alvaro (Saúl, min.65), Debé (Lago, min.76), Chúa, Arturo, David, Poke (Lass, min.46), Potro (Fabio, min.60), Deivi, Pesco e Martín.
• Goles: 1-0, min.45: Joselu; 2-0, min.57: Borja Santos; 3-0, min.95: Manoliño.

Partido moi disputado entre dous equipos da parte alta da clasificación no que o resultado non explica o traballo que lle custou aos xogadores de Alfredo Cambeiro conseguir a vitoria. O choque foi moi trabado e non tivo moitas ocasións de gol. O Carnota presionou moi intensamente e impediu que o equipo de Manu Roque puidera despregar o seu fútbol combinativo. A rente do descanso chegou o primeiro gol que foi un pau para os visitantes. Joselu remataba de cabeza un córner sacado por Borja Santos, as xogadas a balón parado seguen sendo un calvario para os outenses. Tralo descanso a tónica foi a mesma, Borja Santos marcaba o primeiro gol da campaña ao aproveitarse dunha moi boa xogada individual de Joselu. Xa cos locais volcados no ataque, nun tres para un, chegou o gol de Manoliño, de vaselina, no desconto. A nota negativa do encontro foi a desafortunada acción do visitante Pesco que se encarou co público provocando bastante ira neste ao baixar os pantalóns. Ademais, un xogador carnotán recibiu dous cartóns pero non foi expulsado, aludindo o colexiado que o primeiro non fora para el.

Muxía - Atl. Pereiriña (2-1)

• MUXÍA: Angel Luís (Jose Antonio, min.60), Carrera, Jose Manuel, Curras, Pataca (Juan do Coral, min.46), Ziro, Julian, Pesqui, Raúl, Ramón e Martinciño.
• ATL. PEREIRIÑA: Simón (Adrián, min.29), Morcillo, Mateo, Javichu, Alvaro Fiuza (Grille, min.46), Poqui, Adán, Néstor (Javi, min.85), Alex, Víctor e Rafa.
• Goles: 1-0, min.1: Pesqui; 2-0, min.31: Martinciño; 2-1, min.70: Alex.
• Expulsión: O local Ramón (min.89) por dobre cartón amarelo, aínda que o colexiado anotoulla ao dianteiro visitante Víctor, por tanto tocaralles reclamar ao equipo ceense.
• Lesión: O meta visitante Simón tras un encontronazo cun rival.

Partido moi pouco vistoso, no que os erros defensivos dos visitantes os condenou na derrota final. Aínda non entraran en calor os xogadores e xa chegou o primeiro gol, un barullo na área acaba cun cesión para Pesqui que marcaba case en liña de gol. A media hora lesionouse o meta visitante Simón e no seu lugar entrou Adrián, aínda frío chegou o lanzamento de falta de Martinciño que detivo en primeira instancia o meta, pero logo incompresible o balón rebotoulle no corpo por varias veces e acabou entrando. Na segunda metade os locais reduciron distancias por medio de Alex e a rentes do final tiveron o empate ao alcance, pero o marcador xa non se movería.

Máis información

• Resultados e clasificacións 2011/2012.

Crónicas da semana

• 2ª Autonómica: Firmes arriba e igualdade xeralizada.
• 1ª Autonómica: Novo pao ao Cee.
• Preferente: Só o Dumbría suma de 3 en 3.
• Resultados do fútbol da Costa neste ecuador de xaneiro.

Máis novas

• Aberta a convocatoria de axudas para os clubes e agrupacións deportivas.
• Alberto Pose analiza a primeira volta da 3ª Autonómica.
• O poder dos Miúdos.
• Vídeo entrevista de Anxo Garrido co colexiado Marcos Ordóñez.
• Vídeo entrevista co muradán Seluco.
• A Bitacora da Semana: O blog da S.D. Camelle.
• A bitácora da semana (CXLI): O blog do San Lorenzo de Verdillo.
• Video entrevista co xuvenil malpicán Juny.
• Un Dumbría descarado.
• Pablo Mouro: Primeiros Auxilios Básicos (II).
• Pablo Mouro: Primeiros Auxilios Básicos (I).
• Vídeo entrevista de Ángel Garrido a Alberto Pose.
• Vídeo entrevista a Manolo Varela por Angel Garrido.
• Vimianzo lembrou a Martín Pena.
• O Plan Competicional e a Liga á carta.

Fonte

• Redacción de Deportes de QPC ([email protected]).
• Colabora Miguel de Lira.