Nova xornada de Fútbol da Costa repleta de partidos e non exenta de polémica, como veremos na 1ª Autonómica. E comezamos o completo repaso ás Ligas pola Preferente, onde houbo un pouco de todo. O Dumbría daba a de cal, con 3 puntos importantes alonxando a zona de abaixo. Iguala a 27 puntos cun Xallas que mantivo un punto ante un forte Dubra, nun encontro de poder a poder. Os que non sumaron foron o Santa Comba, segunda derrota consecutiva pero aínda na 4ª praza; e o Soneira, que non puido superar a un forte Grixoa.

Na 1ª ademais da importantísima vitoria do Ponteceso e que lle permite ascender á 12ª praza, o protagonismo foi do colexiado do Cee-Vilestro celebrado en Ara Solis. O encontro foi suspendido con 0-1 no min.79 nun momento no que a lesión forte nun brazo do ceense Mario fixo saltar ao banco ceense. O colexiado, entendendo que se trataba dunha invasión de campo marchou correndo para os vestiarios e nin quería abrila porta cando chegaron os Gardas Civís. Malas novas para este Cee que ve, como cumprindo o exilio, un novo colexiado méteos en problemas.

A Liga da Costa segue igual. O Club do Mar e o Fisterra non fallaban o sábado, e hoxe o Camariñas fixo o propio ante un enorme Baio que puxo en verdadeiros problemas aos de Manolín. Agora 4º é o Corme tras vencer pola mínima e con moitas dificultades ao Corcubión. O Malpica tamén gañaba e se mete preto da 4ª praza.
Por abaixo, importante a vitoria do Zas na volta de Corredoira a San Andrés, e que o saca ata a 14ª praza. Os que non sumaron foron O Pindo, nin Nantón nin Mazaricos, que están con 14 e 15 puntos, xa por debaixo do San Lorenzo de Verdillo que vencía á Esteirana dando un paso de xigante o cadro de Chema Eirís.

Na 3ª Autonómica había choques importantes que se saldaron, sorpredentemente con goleadas. O líder, Cabana, afiánzase tras vencer ao Coristanco, e xa saca 4 puntos ao 2º, o Carnota, deixando a Outes e Coristanco a 5 puntos. Precisamente o outro choque da semana era o Carnota-Outes que acaba cun 3-0 para os de Cambeiro que os reafirman como unha auténtica candidatura firme ao ascendo. O Montelouro non se despista e vencía pola mínima no complicado campo de Laxe. Quedan a 6 puntos dos loureáns o Volantes, que vencía con serias complicacións ao Xaviña; o Porteño que non escatimaba no derbi ante o Camelle; e o Cerqueda, que non pasaba do empate ante o filial soneirán.

As Ligas Xuvenís tamén foron protagonistas esta fin de semana. Como anunciabamos onte, o Cee proclamouse campión da Liga Xuvenil Sur tras vencer ao Santa Comba. Ademais, o Fisterra tamén confirmaba a súa presencia na seguinte liguiña polo ascenso á Liga Galega. Agora, a falta de 2 partidos, a loita queda entre Soneira, Santa Comba e Outes, cun punto de diferencia entre ambos. A semana que vén o Santa Comba-Outes será clave.
Polo Norte, o Malpica está a 1 punto de cantar o alirón, pero o Dumbría B segue detrás a 5 puntos. Camariñas, Baio e Ponteceso xogaranse as dúas prazas restantes, téndoo máis difícil o cadro de Mato, que está 5º a 2 puntos do Baio e a 4 do Camariñas, ademais de terse que enfrontar a vindeira semana ao Dumbría B.

Preferente, xornada 19

1ª Autonómica, xornada 18

* Suspendido no min.79.

2ª Autonómica, xornada 18

3ª Autonómica, xornada 22

Liga Naciona Xuvenil, xornada 17

Liga Xuvenil Sur, xornada 16

Liga Xuvenil Norte, xornada 20

División Honra Cadete, xornada 17

Liga Cadete, xornada 18

Liga Infantil, xornada 18

Ligas de Veteranos, xornada 16

1ª División

2ª División

Máis información

• Resultados e clasificacións 2011/2012.

Crónicas da semana

• Parte de sancións cargado pero sen sobresaltos.
• Xuvenil Sur: O Cee segue ao seu e complícalle a vida ao Outes.
• Xuvenil Norte: O Malpica case que sentencia a liga e o Ponteceso queda momentaneamente fóra.
• 3ª Autonómica: Máis apretada se cabe a parte de arriba.
• 2ª Autonómica: As cousas continúan como acabou o 2011.
• Preferente: Sorpresa en Fontenla para abrir o ano.
• 1ª Autonómica: O Cee recupera o ton e o Ponteceso desaparece.
• Resultados do fútbol da Costa na primeira fin de semana do 2012.

Máis novas

• Aberta a convocatoria de axudas para os clubes e agrupacións deportivas.
• Alberto Pose analiza a primeira volta da 3ª Autonómica.
• O poder dos Miúdos.
• Vídeo entrevista de Anxo Garrido co colexiado Marcos Ordóñez.
• Vídeo entrevista co muradán Seluco.
• A Bitacora da Semana: O blog da S.D. Camelle.
• A bitácora da semana (CXLI): O blog do San Lorenzo de Verdillo.
• Video entrevista co xuvenil malpicán Juny.
• Un Dumbría descarado.
• Pablo Mouro: Primeiros Auxilios Básicos (II).
• Pablo Mouro: Primeiros Auxilios Básicos (I).
• Vídeo entrevista de Ángel Garrido a Alberto Pose.
• Vídeo entrevista a Manolo Varela por Angel Garrido.
• Vimianzo lembrou a Martín Pena.
• O Plan Competicional e a Liga á carta.

Fonte

• Redacción de Deportes de QPC (deportes@quepasanacosta.gal).