Comezou igualada a Copa da Costa Xuvenil 2011

19:53 27/02/11

Sen tempo a descansar (e non será por tempo), xa deu comezo a Copa da Costa Xuvenil 2011. A Fase Previa estreábase esta fin de semana con 3 encontros nunha parte do cadro e 1 encontro da outra. Das 4 eliminatorias ningunha quedou resolta nesta ida. Se cadra o Malpica puido encarrilar a eliminatoria tamén ante o Zas pero tralo vista na Liga, cun Zas moi potente e un Malpica irregular, pode pasar de todo.

E saben que a Liga Xuvenil Sur e a Copa da costa están patrocinadas pola Discoteca Zona Zero, que xa prepara o seu Entroido. Para o venres 4 de marzo haberá sesión especial nada menos que con Fisterra´s House Mafia. E para o sábado 5 de mazo a disco terá unha noite espectacular con Drags e gogos, para a que compre disfrazarse, claro!

Zas - Malpica (1-2)

ZAS: Miki, Amado (Esteban Busti, min.62 (Quintans, min.73)), Oli, Ramón, Yago, Adrian, Roni, Jorge, Esteban, Isma e Víctor.
MALPICA: Víctor, Eloi, Jorge, Javier, Pequis, Luisma, Martín Maradona,Quintas, Camilo, Martín Uruguayo (Fenosa, min.76) e Eme.
Goles: 1-0, min.6: Amado; 1-1, min.55: Eme; 1-2, min.61: Camilo.

Moita entrega do Malpica que contrarrestou a superioridade física e técnica dos de Zas. Os locais claros favoritos na eliminatoria puideron adiantarse aos tres minutos cun lanzamento de Roni ao pau, este mesmo xogador puido empatar no minuto 81 ao lanzar un balón de falta ao longueiro.

Coristanco - Cabana (2-2)

CORISTANCO: Rubén (Gabriel, min.46), Martínez, Juan (Fabian, min.75), pita, Pichel, Sergio, Alejandro (Reborido, min.60), Dani, Pose (Golpe, min.70), Pazos e Gonzalo.
CABANA: Sergio, Amable, Oscar, Alex, Ismael, Pacxel (Chuki, min.76), Alex Mato, Diego Varela, Rubén (Carlos, min.60), Miki (Nacho, min.77) e Jose (Manuel, min.65).
Goles: 0-1, min.13: en propia porta; 1-1, min.25: Pazos de falta; 2-1, min.58: Pose; 2-2, min.70: Carlos.
Expulsión: O visitante Ismael (min.32) por dobre cartón amarelo.

Partido moi igualado e sen moitas ocasións de gol e as que houbo foron ailladas e para os locais que lanzaron tres balóns aos paus. Na segunda metade pese a xogar en maioría numérica os locais aceleraronse tentando un xogo moi directo que facilitou a defensa dos cabaneses. Xusto empate que deixa a eliminatoria moi aberta para a volta.

Baio - Camariñas (0-0)

BAIO: Poyo, Maikel (Erick, min.80), Pardo, Pablo, José Manuel, Fachal, Iván, Manuel (Rafa, min.55), Valentin, Bieito e Martín (Marcos, min.25)
CAMARIÑAS: Carlos, Johan, Christian, David, Diango, Ismael, Manuel, Martín, Yuyo, Tajes e Juan Carlos (Bieito, min.50).

Partido moi físico e pouco toque de balón, xogo moi embarullado que propiciou un xusto empate a ceros.

Outes - Corcubion (2-1)

OUTES: Jona, Óscar, Pablo, Sergi, Alfonso, David, Piti, Rubén, Álex (Pesi, min.75) e Edu
CORCUBIÓN: Abelleira, Chema, Sergio, Pablo, Marcos, Gabriel (Cristian, min.46), David (Pico, min.66), Lema, Iván, Manu e Brais (Riki, min.75)
Goles: 0-1, min.10: Lema; 1-1, min.30: Álex; 2-1, min.70: Edu
Expulsión: O visitante Chema (min.80)

O Outes doulle a volta ao encontro da previa da copa fronte ao Corcubión e levouse a cita grazas a un tanto en cada tempo. Lema adiantou aos visitantes tras unha boa acción colectiva, pero un remate afortunado de Álex á saída dun córner, así como una resolución de Edu tras un pase ao oco provocaron a remontada outense.