A Deputación apoia con 80.000€ a 34ª edición da Mostra da Olería de Buño
08:07 01/08/17
Entre o 4 e o 13 de agosto desenvolverase a 34ª edición da Mostra da Olería de Buño
O presidente da Deputación da Coruña - Valentín González Formoso - e o alcalde de Malpica de Bergantiños - Eduardo Parga Veiga - asinaron onte un convenio de colaboración mediante o cal a institución provincial achega 80.000 euros para financiar a Mostra da Olería de Buño.
Esta achega custeará o 80% do orzamento total do evento, incluíndo os gastos en publicidade, material gráfico, o aluguer das carpas e os espazos expositivos, actividades coma obradoiros para nenos e outras animacións, ademais dos gastos de persoal para a organización do encontro.
Valentín González Formoso, destacou que co apoio á mostra, a Deputación pretende impulsar a “olería de Buño non só como recurso cultural e turístico senón tamén como motor para a creación de emprego e riqueza na comarca” e confirmou que a institución provincial continuará colaborando no seu desenvolvemento.
O presidente da Deputación e o alcalde de Malpica asinaron onte o convenio de colaboración entre ambas institucións
A Mostra da Olería de Buño, que cumpre a súa trixésimo cuarta edición, desenvolverase entre o 4 e o 13 de agosto, e incluirá actividades coma roteiros turísticos, actuacións musicais, obradoiros e distintos tipos de artesanía tradicional da zona. A mostra desenvolverase no parque Luciano García Alén, onde se situarán as casetas de venda, e no Ecomuseo Forno do Forte, que acollerá a xa emblemática cocedura tradicional.
O Ecomuseo, adquirido e rehabilitado pola Deputación da Coruña, tamén ofrecerá distintas exposicións e visitas ás coleccións sobre a tradición oleira da comarca. Este inmoble conserva os elementos arquitectónicos propios dunha casa dedicada á olería, ademais de recuperar e mostrar a historia das distintas formas nas que se traballa o barro na comarca.
Novas relacionadas
- A Romaría de Santo Hadrián e a Olería de Buño ensalzan Malpica na Festur
- Unhas 15.000 persoas visitan Buño durante a Mostra da Olería
- Os Bolechas visitan a mostra da Olería de Buño
- A tradición reivindica Buño como epicentro artesán galego
- Carmen Isabel Labrador: “Xa temos ganas de que comece a Mostra da Olería de Buño”.
- A Mostra de Olería de Buño homenaxeará a Luciano García Alén.
- A Deputación destaca o potencial económico e turístico da olería de Buño.
- Diplomas, merenda e unha exposición despediron o Pequeoleiros
- O Pequeoleiros chega á súa fin
- Os escolares de Buño toman contacto coa olería
- A deputación cede ao concello de Malpica a xestión do Ecomuseo de Buño
- Os oleiros levantan a Mostra de Olería de Buño
- Buño recuperará o Forno da Costa.
- Os Oleiros de Buño, no Congreso Internacional de Turismo de Ferrol.
- Os Oleiros asumen a organización da Mostra de Olería de Buño.
- O edificio do Centro Comarcal de Bergantiños volve a mans do Concello.
- A Mostra da Olería de Buño quere voltar ao Centro Comarcal.
- Os oleiros multiplícanse por Malpica.
- De obsequio institucional da Deputación, unha peza de Buño.
- Un oleiro en perigo de extinción.
Últimas Mostras
- 2013: Unha longa semana de olería para celebrar 30 anos de Mostra.
- 2012: O turismo mantén viva a Mostra de Olería de Buño.
Fonte
- Redacción QPC ([email protected])
- Concello de Malpica.