Malpica recupera a normalidade no feble sistema de abastecemento de auga

Eduardo Parga mantivo coa conselleira, Ethel Vázquez, unha reunión de traballo para solicitar financiamento do saneamento e depuración para o lugar de Beo.

Eduardo Parga e Ethel Vazquez — Reunión do Concello de Malpica coa Conselleira

17:15 11/11/22

O sistema de abasecemento de auga de Malpica volve á normalidade esta tarde, tralo segundo peche en apenas 2 meses. Despois do periiplo viivo este verán polo problema de trihaolometanos, o Concello tiña que volver pechar a auga municipal para consumo humano por mor dun vertido. Afortunadamente foi un caso puntual e tras limpar onte o depósito de Pedra Queimada, e durante esta noite o de Papeiras, o Concello reabre este mediodía de venres a auga.

Volve así a normalidade a un tremendamente feble sistema de abastecemento, que necesita investimento.

Reunión coa Consellería

Este mesmo venres, o alcalde de Malpica, Eduardo Parga, e o 2º tenente alcalde, Miguel Ángel Fernández,
mantiveron esta tarde un encontro de traballo coa concelleira de Infraestruturas e mobilidade, Ethel Vázquez, para tratar varios temas importantes para o Concello de Malpica.
O rexedor solicitoulle axuda á conselleira para o financiamento dunha obra de gran fundamental como é saneamento e depuración para o lugar de Beo. O orzamento para levar a cabo a abra sería de 774.619€, o cal a Xunta aportaría o 80% e o concello o 20%, Ethel Vázquez, comprometeuse a estudar o proxecto e a traballar para levalas a cabo o máis pronto posible.
Parga tamén expuxo a necesidade de facer unha actuación na vía AC-418, a altura do colexio Milladoiro, para mellorar o acceso tanto o centro educativo como ó Centro Cívico da vila.
Ademais o rexedor tamén pediu unha intervención no entorno da Rotonda da Balsa para que os viandantes que veñen de Cambre poidan cruzar a estrada sen perigo xa que é unha vía moi transitada.