O PP volve evitar comprometerse coa mellora da seguridade do porto de Malpica ante as críticas da oposición

Volveu o proxecto de mellora de seguridade do Porto de Malpica ao Parlamento. E volveu saír sen compromiso de execución por parte da Xunta de Galicia. Xa pasaron 6 invernos dende aquel fatídico naufraxio mortal do Silvosa, pero Portos de Galicia segue con prospeccións e estudos, pero sen solucións.

Así o denuncian BNG e PSOE trala inxustificada resposta de Presidenta de Portos de Galiza, Susana Lenguas ás súas preguntas na Comision de Pesca do Parlamento, na que volveu evitar comprometerse coa mellora da seguridade das embarcacións e mariñeiros que operan na dársena malpicá.

Por un lado, o deputado do BNG Daniel Pérez lamenta que “tes anos despois do anuncio poar parte da Consellería de que ía tomar medidas, e máis de cinco anos do tráxico accidente do Silvosa, non se realizou ningunha actuación de entidade tendente a resolver os problemas de seguridade deste porto". Por iso, urxe ao goberno galego incluír nos orzamentos da Xunta para o ano 2025 unha partida específica e con dotación suficiente para iniciar nesa anualidade as obras, despois de que “nos orzamentos da Xunta de Galiza para o ano 2023 e 2024 “non se recolleu ningunha partida con dotación económica suficiente para asegurar que a execución desta obra tan necesaria se vai acometer a medio-curto prazo”.

Na mesma liña, a parlamentaria socialista Patricia Iglesias acusou ao PP e ao goberno galego de “castigar” aos veciños e veciñas de Malpica ao negarse a atender “a demanda histórica da ampliación do porto de abrigo”. Alertou do serio perigo que supoñen as condicións de acceso actuais á dársena do porto, onde as embarcación teñen que afrontar correntes perigosas que complican a circulación, provocando accidentes e danos na dársena e nas propias embarcacións. Sinala que a ampliación do dique de abrigo, tal e como fora proxectado pola confraría de pescadores e defendido polo anterior alcalde, o socialista Walter Pardo, permitiría rematar cos problemas de seguridade e darlle un impulso á actividade económica do porto, esencial para o futuro da vila.

A resposta do PP: "Estudiamos unha nova alternativa"

A estas preguntas, o presidente de Portos de Galicia, José Antonio Álvarez, asegurou que "o ente público continúa traballando para definir unha proposta técnica de actuación que sexa viable e permita reducir a axitación e o efecto das correntes no porto actual".

Así, despois de 3 anos de experimentos, sinalou que "o ente público están a estudar unha nova alternativa solicitada pola confraría de pescadores na última reunión o pasado mes de setembro", unha alternativa que se suma ás 8 xa estudiadas, necesitando novos procesos de monitorización de certas zonas da dársena para toma de datos sobre a axitación e efecto das correntes.

 

HISTÓRICO DA SEGURIDADE NO PORTO DE MALPICA DENDE 2018

• Decembro 23: O BNG pide incluír a mellora da seguridade no porto de Malpica nos Orzamentos da Xunta 2024.

• Outubro 23: A seguridade no porto de Malpica volve quedar sen partida orzamentaria

• Marzo 23: A Xunta rexeita a proposta de ampliación do dique do porto de Malpica e propón varias alternativas.

• Marzo 22: O PSOE solicita a ampliación de 200 metros do dique de abrigo de Malpica.
• Novembro 22: O PSOE critica a mísera partida dos Orzamentos da Xunta para a seguridade na dársena de Malpica
• Xaneiro 22: O BNG presenta outra moción para axilizar as obras de seguridade do porto de Malpica.
• Novembro 21: O Parlamento acorda, con unanimidade, afrontar as actuacións de seguridade do porto de Malpica:
• Abril 21: “Deberían botarlle man porque se está correndo demasiado risco na dársena de Malpica”.
• 19-02-2021: Novas propostas para a mellora da dársena de Malpica. Continúa o estudo experimental para establecer un sistema de comportas no peirao.
• Febreiro 2020: Dous anos despois, e as embarcacións seguen xogándose a vida no porto de Malpica.
• Decembro 2020: A Xunta volve usar un sistema experimental no porto de Malpica dous anos despois do accidente mortal do Silvosa.
• Agosto 21: As obras do porto de Malpica seguen a medias.
• Febreiro 2020: A Xunta pide paciencia para acometer as obras de seguridade do peirao de Malpica.
• Outubro 2019: A Confraría de Malpica espera polas melloras prometidas.
• Decembro 19: Comeza a instalación do radar que permitirá definir o proxecto de mellora da seguridade no peirao de Malpica.
• Oubturo 19: A Confraría de Malpica espera polas melloras prometidas.
• Outubro 19: Un radar, primeira medida da Xunta para revisar a seguridade do porto.
• Xullo 19: A familia do mariñeiro falecido en Malpica entrega 10.000 sinaturas para que Portos acometa obras de seguridade no peirao.
• Xullo 19: Walter Pardo e Leiceaga piden á Xunta a a execución das obras de mellora de seguridade no porto de Malpica.
• Febreiro 19: Aprobada no Parlamento unha iniciativa para eliminar o risco na entrada do porto de Malpica.
• 31-01-19: A oposición ao completo obriga no Parlamento á Xunta a tomar medidas para o porto de Malpica.
• A seguridade no porto de Malpica volve ao Parlamento.
• A familia malpicá do falecido no mar pide solucións para o porto.
• Decembro 18: Conmoción en Galicia polos dous naufraxios da Costa da Morte.
• 20-12-2018: O mar cóbrase outra vida nun novo afundimento dun barco en Malpica.