Esta semana aparecía dous individuos de cachalote pequeno (Kogia breviceps) en Malpica. Unha femia adulta morta e o seu cachorro vivo. Foi un voluntario de CEMMA, Jose Manuel Pérez o que os atopou polo que rapidamente a Coordinadora activou un dispositivo coordinado co concello de Malpica para a atención ao cachorro. Fixeron canto puideron mentres se desprazaba ata alí unha das nosas Unidades Móbiles, pero acabou falecendo.

Segundo o CEMMA, “durante a necropsia da nai comprobouse a presenza dun vaso plástico no estómago que causara lesións na parede. Ante a ausencia de ningunha outra evidencia ou problema observable a simple vista, e á espera da análise histopatolóxica, esas lesións e as consecuentes molestias puideron ter sido a causa do varamento”.

”Volve a poñerse de manifesto que son as especies de grandes mergulladores como esta, ou os cifios ou o cachalote, as que se ven máis afectadas por esta problemática ao non ser quen de identificar estes obxectos como artefactos no seu medio”, relatan.

Novas relacionadas

• Novembro 2020: A Tartaruga de Coiro varada en Laxe puido ter sufrido un atrapamento nalgún enmalle.
• Outubro 2020: Golfiños gravados dende o mar.
• Outubro 2020: Non foron as candorcas.
• 25-09-2020: Nemiña rexistra o terceiro varamento dun marraxo en 30 anos nas costas galegas.
• 24-09-2020: As incomprendidas e inofensivas candorcas.
• Setembro 2020: Unha visita moi cariñosa de Manoliño, o golfiño solitario da ría de Muros.
• Setembro 2020:  Rescatan un golfiño que quedara enganchado nunha cinta plástica en Fisterra
• Xuño 2020: Avistan o arroaz solitario pola ría de Muros e unha balea alibranca por Fisterra.
• Agosto 2020: Unha balea boreal polo mar da fin da terra
• Agosto 2019: As baleas volven por Fisterra.
• Xullo 2019: Unha viaxe polo mar de Fisterra con golfiños, candorcas, baleas alibrancas e tiburóns peregrinos.