Este día 20 cúmprense 2 anos dende o accidente do Silvosa entrando no porto de Malpica. Despois de innumerables esixencias, visitas ao Parlamento, sinaturas presentadas, denuncias… a Xunta segue dando pasiños miúdos a prol da seguridade do peirao. E mentres, os mariñeiros seguen saíndo ao mar todos os días.

Hai 10 meses que a Xunta pedía paciencia, pero nada sabemos do pioneiro radar instalado o pasado mes de decembro. De feito, este venres a Xunta aseguraba ter activado “por primeira vez”, un sistema de previsión de correntes debidas á onda longa na comporta da dársena interior de Malpica.

Deste xeito, despois de practicamente dous anos en balde, a Consellería de Mar a través de Portos de Galicia lanza este novo método experimental que funcionará polo momento en período de probas. Falamos do proxecto MarRisk, baseado en datos de Meteogalicia, que permite estimar cunha antelación de 72 horas a velocidade da corrente que se producirá na comporta da dársena interior do porto de Malpica. Con este dato poderase alertar e orientar aos usuarios sobre as condicións de acceso á dársena interior do peirao.

Os datos serán trasladados desde Portos de Galicia aos usuarios, a través da confraría de pescadores, mediante un documento que recolle a previsión de ondada, a gráfica da velocidade de onda longa e un informe desglosado por horas con tres niveis de recomendación de uso para cada hora representados por un semáforo: verde para o uso recomendado; amarelo, nivel de precaución; e vermello, para o uso non recomendado.

Solución transitoria

Portos lembra que “o traballo dos técnicos séguese a realizar para definir unha solución definitiva ao problema de axitación na dársena de Malpica”. A día de hoxe atópase en licitación a redacción do proxecto cun importe asignado de menos de 100.000 euros.

Novas relacionadas

• Agosto 21: As obras do porto de Malpica seguen a medias.
• Febreiro 2020: A Xunta pide paciencia para acometer as obras de seguridade do peirao de Malpica.
• Outubro 2019: A Confraría de Malpica espera polas melloras prometidas.
• Decembro 19: Comeza a instalación do radar que permitirá definir o proxecto de mellora da seguridade no peirao de Malpica.
• Oubturo 19: A Confraría de Malpica espera polas melloras prometidas.
• Outubro 19: Un radar, primeira medida da Xunta para revisar a seguridade do porto.
• Xullo 19: A familia do mariñeiro falecido en Malpica entrega 10.000 sinaturas para que Portos acometa obras de seguridade no peirao.
• Xullo 19: Walter Pardo e Leiceaga piden á Xunta a a execución das obras de mellora de seguridade no porto de Malpica.
• Febreiro 19: Aprobada no Parlamento unha iniciativa para eliminar o risco na entrada do porto de Malpica.
• 31-01-19: A oposición ao completo obriga no Parlamento á Xunta a tomar medidas para o porto de Malpica.
• A seguridade no porto de Malpica volve ao Parlamento.
• A familia malpicá do falecido no mar pide solucións para o porto.
• Decembro 18: Conmoción en Galicia polos dous naufraxios da Costa da Morte.
• 20-12-2020: O mar cóbrase outra vida nun novo afundimento dun barco en Malpica.