O pasado venres a asociación Asoar-Armega e organizacións medioambientais Adega, Verdegaia, e Salva la Selva, presentaban as súas novas accións sobre a problemática das gaiolas de salmón na ría de Muros e Noia. As entidades van presentar, con motivo da XV edición do Foro dos Recursos Mariños e Acuicultura das Rías Galegas, un traballo, que se expoñerá nun póster, sobre o “Impacto socioeconómico e medioambiental do cultivo do salmón atlántico na Ría de Muros Noia”.
Precisamente o Foro (no Ciclo Cultivando o Mar, o xoves 11 de outubro) tratará precisamente o Cultivo do salmón na ría de Muros Noia, polo que as entidades solicitan ser invitados a participar como parte involucrada na problemática, para contrarrrestar as posicións do representante da empresa North West Food e outro da Consellería do Mar.

Dito traballo vén a denunciar, "unha vez máis, o noso total rechazo a instalación nesa Ría das gaiolas de salmón". Este traballo fai unha recopilación de todo o acontecido desde a decisión do traslado das gaiolas a esta ría, enumerando cada un dos acontecementos segundo as datas e os feitos que se foron producindo desde esa decisión ata o día de hoxe, e poñendo de manifesto, unha vez máis o grave impacto que estas gaiolas poden causar nun medio natural de tanto valor e riqueza como o da Ría de Muros Noia. Un repaso que podemos facer realizar tamén a través das novas publicadas en QPC, como vemos abaixo.

Resultados negativos e posibles solucións

No traballo tamén se ilustran os resultados coñecidos, ata o momento, da experiencia deste cultivo na ría de Arousa e na de Muros, e presenta unhas solucións razonables de apoio a un marisqueo, pesca e acuicultura galega posible e con futuro.

Aseguran que tralo seu estudio, poden concluír que "o cultivo de salmóns na Ría de Muros Noia non está a ser produtivo, e as gaiolas seguen a ter dificultades, xa que no pasado mes de setembro, tiveron que recurrir novamente a introdución de auga doce e fría, desta volta dun xeito diferente e con unha embarcación distinta a empregada o verán pasado", na que usaran unha embarcación da Xunta ante as protestas de todo o sector.

Por todo elo "as organizacións que nos opoñemos a este tipo de cultivo pensamos que a única solución razoable é dar por rematada a experiencia e reparar os danos ambientais causados".

Novas da loita contra o salmón en Muros

• 13-07-12: A Fiscalía confirma as denuncias pola morte dos salmóns nas gaiolas de Muros.
• 09-05-12: Os Salmóns de Muros xa están denunciados formalmente en Bruxelas.
• 29-12-11: As gaiolas de salmón de Muros xa chegaron ao Parlamento Europeo.
• 01-12-11: As gaiolas de salmón de Muros tamén chegan ao Parlamento Europeo.
• 22-11-11: Pescadores e defensores do medio ambiente levan as gaiolas de salmón de Muros á Fiscalía.
• 18-11-11: BNG e PSOE cargan contra as gaiolas de salmón da ría de Muros.
• 17-10-11: A loita contra as gaiolas de salmón en Muros faise internacional con Greenpeace.
• 03-10-11: Unha de salmóns mortos en Muros.
• 15-09-11: Denuncian que o contrato coa empresa das gaiolas de salmón de Muros está caducado.
• 05-09-11: Denuncian que a Xunta cede a súa embarcación para salvar os salmóns de Muros.
• 06-06-11: A pesca artesanal e os ecoloxistas unen as súas forzas contra o salmón.
• A Xunta rexeita a proposición do BNG de anular as gaiolas de salmón en Muros.
• Muros e a Barbanza rexeitan as xaulas de salmón.
• 25-03-11: Aproveitan a noite para instalar as xaulas de salmón na ría de Muros.
• 17-03-11: Muros mobilízase por terra e por mar contra as gaiolas de salmóns que crean división en Carnota.
• 15-03-11: O mar de Muros rexeita frontalmente as xaulas de salmón.

Fonte

• Nota de prensa de Asoar-armega, Verdegaia, Adega, Greenpeace, Salva la selva.