Seguimos pendentes do que acontece electoralmente en Muros de cara ao pleno de investidura do vindeiro sábado 13 de xuño. Xa sabemos que CxG ten a chave do goberno de Muros, e precisamente o grupo que comanda María Xosé Alfonso puxo de novo as súas esixencias enriba da mesa.

A decisión de Compromiso, despois da súa reunión coa afiliación, é non pactar co PP e “seguir impulsando un verdadeiro e profundo cambio no goberno municipal de Muros, apostando pola trasparencia, a participación, a igualdalde de oportunidade e a austeridade”. Pero a decisión máis importante é sobre o posible pacto co PSdG que permitiría formar un goberno estable entre CxG e PSsG.

Para o devandito pacto, CxG só aceptaría todas e cada unha destas 3 condicións, non negociables:

• ”A renuncia á acta de xeito irreversible, antes do pleno de investidura, da actual alcaldesa Caridad González”.
• ”Ningún dos 3 concelleiros que participaron no goberno municipal do mandato que remata accederá á alcaldía de Muros en ningún momento do vindeiro mandato”.
• ”O PSOE deberá aceptar as condicións de transparencia, participación, austeridade e boas prácticas que CxG lle trasladaría en breve”.

Deste xeito, e tendo en conta que o PSOE quere un goberno de esquerdas en Muros, e que semella que Caridad González estaría disposta a deixar a súa acta, quedamos pendentes dun nome da lista do PSdG que se postularía como novo alcalde de Muros. O sábado sairemos de dúbidas.

Novas relacionadas

• 5 concellos seguen pendentes das negociacións para posibles pactos.
• APIN-SON e BNG garantirán a investidura de Lois Carballido como novo alcalde de Ponteceso.
• O PP podería perder ata 6 alcaldías.
• 3 pactos para non deixar ningún azul en Coristanco, Laxe e Ponteceso.
• 10 maiorías absolutas, 5 do BNG, 3 do PSdG e 2 do PP, e 8 concellos quedan pendentes dos pactos.
• 3 pactos para non deixar ningún azul en Coristanco, Laxe e Ponteceso.
• A importancia de 36 votos en Corcubión e dos pactos en Fisterra.
• CxG ten a chave do goberno de Muros.
• Dous posible pactos teñen en vilo Santa Comba.
• 10 maiorías absolutas, 5 do BNG, 3 do PSdG e 2 do PP, e 8 concellos quedan pendentes dos pactos.
• Os grandes nomes das Eleccións Municipais do #24M.
• Resultados das Eleccións Municipais 2015 na Costa da Morte.

Fonte

• Redacción de QPC ([email protected]).