Leva moito tempo sendo un dos grandes cabalos de batalla da vida municipal en Muxía. Ben é certo que é un dos servizos que máis problemas provoca nos Concellos rurais, pola deixadez de funcións da Xunta de Galicia. Pero a responsabilidade municipal tamén é patente, e moitos optan por deixar pasar os problemas, e ir asinando irresponsables prórrogas ano a ano dos contratos, que o único que provocan é un ma servizo e unha precarización das traballadoras. Unha situación que provocou manifestacións en Muxía durante os últimos 2 anos, ata o pasado mes de febreiro, cando a empresa concesionaria busca unha solución alternativa para paliar os poblemas cos pagos a pesar do "encabuxamento" do ex rexedor Iago Toba.

Falamos do Servizo de Axuda no Fogar (SAF), que deixará de ser un problema social gracias ao primeiro compromiso importante acadado polo novo goberno bipartito formado por Independentes de Muxía e o PP. O grupo levará ao pleno deste xoves 19 de decembr (20:00h), a aprobación a licitación do expediente de contratación do SAF, por un importe de 440.279,28 euros.

O alcalde, Javier Sar, destacou a importancia de levar a cabo esta licitación en tan pouco tempo: “Unha das prioridades que nos marcamos desde a nosa chegada á alcaldía foi licitar o SAF. Este paso supón reforzar e garantir os servizos públicos, o que é a nosa máxima como goberno.”

Pola súa parte, a tenente de alcalde, Sandra Vilela, salientou: “Este goberno conseguiu, en só dous meses de traballo, o que o anterior executivo non foi capaz de facer en cinco anos de mandato.”

Máis novas

• Febreiro 24: A empresa do SAF de Muxía busca unha solución alternativa para paliar os poblemas cos pagos.
• 29-01-24: As traballadoras do SAF de Muxía lamentan seguir sen cobrar polo "encabuxamento" do alcalde.
• 24-01-24: As traballadoras do SAF de Muxía volveron ao pleno para esixir o pago dos seus soldos.
• Outubro 23: As traballadoras do SAF de Muxía exixen unha solución definitiva aos retrasos dos pagos dos seus soldos.
• Novembro 22: As traballadoras do SAF continúan a súa loita con manifestacións en Santiago e Muxía.