Continúa abert o o conflito sobre renovación do convenio colectivo dos traballadores e traballadoras de Stolt Sea Farm. Unha situación que mesmo será abordada no Parlamento tralas preguntas que vai realizar hoxe o BNG, a instancias da CIG, sobre as axudas concedidas á empresa e as actuacións realizadas polo Goberno galego.

As posturas seguen firmes. Cos alcades polo medio intentando mediar, a proposta da empresa, que supón unha rebaixa da situación actual pero que mellora as condicións do convenio piscícola, non é aceptada polo Comité, que critican "as pretensións da multinacional de suprimir o convenio de empresa e aplicar duros recortes laborais e salariais".

A problemática chega se esas axudas e subvencións que recibiu a empresa multinacional concedidas polo goberno galego están vinculadas, ao mantemento dos postos de traballo. A CIG lembra que a multinacional da acuicultura recibiu "importantes cantidades económicas das distintas administracións e, para a súa implantación, contou con moitas facilidades para a adquisición de terreos en lugares privilexiados do litoral". E apuntan que "cómpre non esquecer que o obxectivo deste apoio por parte da administración galega era contribuír ao desenvolvemento económico e social das zonas onde se asenta a empresa".

O BNG preguntará tamén á Xunta polas actuacións realizadas ou previstas a respecto de garantir o emprego e as condicións laborais e salariais dos traballadores/as da empresa ou que medidas está a tomar para conseguir que Stolt Sea Farm e o Comité se senten a negociar un novo convenio colectivo.

Novas relacionadas co convenio de Stolt

• Os traballadores despedidos de Carnota critican a doble moral do alcalde.
• Tempo de conflitos laborais en Carnota.
• 11-11-13: Os sindicatos de Stolt reúnense cos alcaldes de Carnota, Camariñas e Muxía.
• 17-10-13: O Comité de Empresa de Stolt solicita unha arbitraxe para clarexar o convenio.
• 14-10-13: Parálise na negociación do Convenio de Stolt.
• 03-10-13: O Convenio Colectivo á exame nas piscifactorías de Stolt.

Fonte

• Redacción de QPC ([email protected]).