Cantos xacementos haberá así, “a monte”, por toda a xeografía galega. Centos de montes agochan entre os seus “colitros” espazos con historia. Apunta Manuel Gago que en Galicia podería haber entre mil e pico e dúas mil mámoas agochades baixo os montes, sen a necesidade de estar afectadas. Así e todo, e dado que moitas están sumerxidas en grandes plantacións de eucaliptos, hai perigo de unha reforestación dane estes xacementos, como acontecía hai pouco na mámoa da Arquiña de Vilaseco.

Por iso mesmo, unha veciña do lugar de Senande, Carme Toba Trillo, afeccionada á arqueoloxía e acostumada a gabear con fiereza polos montes da contorna, púxose en contacto con nós para amosarnos 3 montículos, 3 elevacións do terreo, no medio dun monte entre Castelo e Senande, en Muxía.

Parecen ser tres grandes “túmulos”, isto é, unha morea de terra e pedras sobre unha tumba ou varias, e que se remonta á época das idades de Pedra, do Bronce e do Ferro. “Parece unha necrópole”, sinala Carme, que ten medo que, como lle aconteceu á de Vilaseco, lle poida acontecer algo a este conxunto, aínda non catalogado.

Precisamente por iso quere captar a atención, porque non atopou as mámoas catalogadas en ningures, e cre que pode ser importancia que se cataloguen, para que non vaian acabar con elas dunha palada.

Mentres, por aquí seguiremos esperando, despois de 13 anos, polo Parque do Megalitismo da Costa da Morte.

Novas relacionadas

• Vimianzo pide a conservación e sinalización da Arquiña de Vilaseco.
• Unha reforestación con eucaliptos dana a mámoa da Arquiña de Vilaseco.
• Dombate: Un museo sen guía.
• Dombáter: Unha crítica a actuación no dolmen cabanés.
• Excursión pola Ruta das Antas da Costa da Morte.
• Vinte anos con boina.
• O SEMESCOM sumérxese na rede e dixitaliza as súas obras.

Novas sobre o Parque do Megalitismo

• 14-10-14: O Parque do Megalitismo da Costa da Morte, 13 anos de quimera.
• 26-10-11: Pasiño a pasiño co Parque do Megalitismo.
• 13-07-08: Un paso máis cara a aprobación final do Parque Arqueolóxico do Megalitismo da Costa da Morte.
• 11-08-08: 14 megalitos da Costa da Morte serán denominados Bens de Interese Cultural .

Máis información

• Finisterra:  Parque do Megalitismo.
• Culturagalega: Dossier. Parque do Megalitismo.

Fonte

• Redacción de QPC ([email protected]).