Os mércores ao sol… e contra os recortes en sanidade
Un mércores máis, familias e profesionais unen forzas contra os recortes na sanidade pública. Fano facendo unha concentración, un paro de 10 minutos, ás portas de Centros de Saúde de todo o país. Bueno, en todos os que poden, porque noutros como o de Cee están tan saturados que non se poden nin permitir facelo.
Si o fan en Muxía ou Carballo. Na vila muxiá son varios os mércores nos que as familias afectadas polos recortes en pediatría se unen aos profesionais que, como en Carballo, paran para protestar por unha atención primaria digna.
Concentración de mércores no Centro de Saude de Carballo
Uns profesionais que seguen loitando por mellorar a súa situación laboral como os medios de cada centro de saúde.
De feito, o persoal médico eventual do Sergas, agrupado no colectivo Precarias pola Atención Primaria, veñen de amosar o seu rexeitamento, como informa a CIG ao contrato de “continuidade”, vixente dende o pasado 31 de xaneiro, que afecta tanto a médicos/as de familia como a pediatras de Atención Primaria. Denuncian que “perpetúa a precariedade e pon en perigo o modelo asistencial actual, que persegue que cada paciente sexa sempre atendido polo mesmo profesional”.
Mentres, seguimos un novo mércores ao sol…
Todas as novas sobre os recortes no pediatra
- 05-03-19: As familias de Dumbría volven concentrarse por un servizo de pediatría decente no rural.
- 27-02-10: Un novo mércores de concentración por unha sanidade pública digna nos Centros de Saúde.
- 25-02-19: O tenso pleno de Zas ratificou o apoio á loita pola recuperación das 35 horas de pediatra.
- 22-02-19: Feijóo chegou a Camariñas ao son do berros das familias afectadas polos recortes en pediatría.
- 20-02-19: Profesionais e familias únense nas concentracións dos mércores nos Centros de Saúde.
- 15-02-19: Aurelio Núñez tampouco aporta solucións ao problema cos pediatras.
- 10-02-19: As familias de Zas e Dumbría expanden a loita contra os recortes en Pediatría.
- 04-02-19: Zas sen Recortes en Pediatría volve do Parlamento cos apoios da oposición e cero compromiso do PP.
