Venres. 29.03.2024
El tiempo

O temporal Qumaira tamén deixou cifras marca en Galicia

O temporal Qumaira tamén deixou cifras marca en Galicia
A ponte do Ezaro con area-Foto-Jorge Parri Desbordado o rio Grande

Sen parada. Seguimos de temporal en temporal, e xa van 3 en unha semana. Tralo paso do "Nadja" e do "Petra", o Qumaira deixou un reguero de estampas na Costa da Morte. E como non foi de mar, foi moito máis incómodo que vistoso, e apenas puidemos saír da casa.

Árbores caídos nas estradas, area invadindo a ponte do Ézaro (non só o paseo de Laxe...), a cascada de novo cun caudal impresionante, ríos completamente desbordados como o Grande tanto en Coristanco como na Piroga, en Baio, pero seguro que en todo o seu cauce. Pero de novo as cifras dos refachos de vento e da chuvia nos colocan á cabeza de toda Galicia.

Arbore sobre a estrada en Os Muinos-Foto-Isabel Tome

A estación de Lira (Carnota) rexistrou ventos continuados por riba dos 90 km/h con refachos sobre os 100 km/h, chegando mesmo ao mediodía aos 131 km/h, practicamente igual que en Coristanco. En Camariñas, "só" a 102.

E se falamos de chuvia, Santa Comba foi a vila onde máis auga caeu, repetindo mellor marca do país. Foron desta volta, tralos 89 l/m2 do Petra foron 65 l/m2, por 50 en Coristanco, 44 en Zas e 34 en Mazaricos.

O rio Grande na Piroga-Foto-Lorena Martínez Canosa Cascada do Ezaro desbordada-Foto-Dani Vazquez Caamano

Parte para a fin de semana

Os compañeiros de 4gotas.comtráennos o avance para a fin de semana:
O venres tralo paso da borrasca Qumaira que deixou moito vento do toda a Costa, veremos un día de chuvascos e con vento forte á espera dunha nova fronte na tardiña que deixaría na noite e na madrugada do sábado chuvia e continuaría o vento.
O sábado outra vez sería un día de chuvascos intermitentes, algún deles puntualmente forte e con sarabia.
O domingo pode ser un día complicado. O mellor é permanecer atento aos prognósticos da web, 4gotas.com, porque poden ir cambiando.


Novas relacionadas

Novas interesantes

Fonte

Comentarios