Balonmán: Doble triunfo para xalleiras e encaixeiras

balonman

BM Xallas celebrando porteira — A porteira do BM Xallas celebrando unha parada

10:43 23/03/22

Tralo derbi da semana pasada, os dous equipos costeiros na Fase para os postos 11º ao 14º da 1ª Autonómica Feminina de Balonmán.

Se o Mantido Construcións SL Bm Xallas gañaban ao BM Caselas en Fontenla, sumando a súa terceira vitoria, as do Mostra do Encaixe facían o propio ante o Teucro, nun choque vital que lles permite ás encaixeiras manterse na loita polo primeiro posto. As xalleiras están líderes do grupo e as camariñás quedan na 3ª praza empatadas co Caselas.

1º Autonómica Feminina, 2ª Fase, xornada 4

Resultado: Bm Mostra do Encaixe Camariñas - Teucro AYF (32-29)
Bm Mostra do Encaixe: Miriam L., Binta; Paula (1), Miriam P., Lucía(1), Cistina (5), Verónica, Muna (8), Águeda (5), Marta (3), Nuria (4) e Sara (5).

BM Camarinas mostra do Encaixe — O encontro disputado o domingo na cancha Víctor Vigo de Camariñas, comezou gardando un minuto de silencio polo pasamento de José Ramón Suárez, quen foi xogador do Consevas Boya e adestrador do Encaixe.

A pesar das baixas, as locais mantiveron un gran ritmo todo o encontro. Nos primeiros trinta minutos a baixa intensidade defensiva, os despistes e as malas decisións provocaron que o Teucro marcara goles moi fáciles e ademais en ataque cometéronse erros por querer marcar rápido sen madurar a xogada. Isto provocou que O Mostra de Encaixe fallara nos pases, fixera pasos e perdas de balón sen ser forzadas. A pesar disto, cando o equipo enlazaba 4-5 pases marcaba sen dificultade, o que posibilitou chegar ao final do primeiro tempo con tres goles por debaixo.

Na segunda parte o adestrador optou por un cambio defensivo que unido ao aumento de intensidade provocou o roubo de varios balóns. Esta nova estratexia ocasionou fallos no equipo rival provocando contraataques e saques rápidos que permitiron marcar goles sen oposición e poñendo ao equipo local por diante no marcador. O Teucro reaccionou facendo unha defensa mixta sobre Muna, pero O Encaixe foi quen de manter a diferencia de 3-4 goles ata o final.
Quedan os dous últimos encontros para finalizar a liga e en palabras do adestrador Catalán: “intentaremos sacalos adiante e quedarnos coa primeira praza deste grupo”.

1º Autonómica Feminina, 2ª Fase, xornada 4

Resultado: Mantido Construcións BM Xallas - BM Caselas (37-27).

Recicibía o Mantido Construccións SL ó ActivamosTuCasa Balonmán Caselas, un rival ao que nunca conseguiran vencer. A pesar deso as xalleiras saían ilusionadas e querían seguir coa racha de vitorias. Así foi que grazas a unha boa defensa e un ataque rápido, sumando que as rivais viaxaban en cuadro, as xalleiras foran dominando a primeira metade sen moitos problemas, chegando ao descanso cunha renda de 5 goles a favor.

Xa na segunda parte, o partido tardaba en retomarse por un golpe que sufriu Carla, xogadora do Caselas á cal lle desexan dende Santa Comba unha pronta recuperación. Debido á este parón ambos equipos entraron fríos e sen ritmo, aínda que as visitantes tiñan menos erros e recortaban distancias. Finalmente uns axustes en defensa e a volta ó xogo rápido en ataque facía que as de Santa Comba controlaran o partido ata o asubío final.