O Conco encherase para levar ao Volei Dumbría á máxima categoría do volei nacional

Presentacion do Fase de Ascenso da Superliga 2 no Conco-Dumbria — Presentación do Fase de Ascenso da Superliga 2

13:55 25/04/19

Venres, sábado e domingo, o Conco encherase de deporte de máxima calidade. A fase final da Superliga 2 de voleibol chega a Dumbría. Os 4 equipos que aspiran a ascender á máxima categoría do volei estatal citaranse en Dumbría.

Un evento que é un orgullo para Dumbría, para a Costa da Morte, como lembraron no acto da presentación José Manuel Pequeno, alcalde de Dumbría, e César Ferrío, presidente do Voleibol Dumbría, que estiveron acompañados por José Anxo Lúa, presidente da Federación Galega de Voleibol e Real Federación Española de Voleibol.

O formato é de liguilla, con 6 partidos, dous por xornada, e un ascenso por decidir. Un ascenso polo que de seguro loitará o cadro dumbriés, cumplindo a profecía do seu presidente, que o día do debuto do equipo sénior, hai 5 anos, dicía que “en 4 anos teremos SuperLiga no Conco”. Pode que se equivocase por un ano pero a cousa pode estar moi preto.

En todo caso, primeiro toca gañar e despois facer contas, que a categoría nacional non é “pecata minuta”.

Horarios

O venres 6 de abril, comezará o campionato. Cada día a entrada custa 2€, e o bono 5€. Estes son os horarios dos partidos:

Venres 26 de abril:
- 18:00h: Voleibol Almoradí - Mediterráneo Castellón;
- 20:00: Voleibol Dumbría - Emevé.
Sábado 27 de abril:
- 18:00h: Mediterráneo Castellón - Emevé;
- 20:00h Voleibol Almoradí - Voleibol Dumbría.
Domingo 28 de abril:
- 10:00h: Emevé - Voleibol Almoradí;
- 12:00h: Voleibol Dumbría - Mediterráneo Castellón.