Espectacular foi a Semana Santa carnotá. No marco da Mostra Víndemo Ver, había preparadas 3 citas nas que a pesca, o ciclismo de montaña e o atletismo extremo foron protagonista. O venres tocou a III Ruta BTT, o sábado III Open de Pesca A Spinning e o domingo, II Carreira Viquinga, toda unha proba de resistencia.

E máis que competición, o importante foi o goce, o disfrute dunha das paisaxes máis espectaculares do país, coa Boca do Río, o Monte Pindo ou as ladeiras carnotás como protagonistas.

III Ruta BTT Carnota

Non era competitiva a BTT carnotá se non de disfrute. Foron case 300 os ciclistas que sacaron a bici para percorre os 46, ou os 26 quilómetros os menos preparados, da proba.

Foi o carnotán Josecho González Rey o segundo en chegar, mentres que en categoría feminina o podio foi integramente costeiro.

II Carreira Viquinga

Espectacular e divertida a II Carreira Viquinga Concello de Carnota, xa unha referencia para os amantes da aventura. Foron uns 200 os participantes os que rubiron como puideron as costas do olimpo celta. Pero non só os grandes, senon que os pequenos tamén tiveron os seus momentos para demostrar o seu potencial atlético e aventureiro.

Open de pesca

Así, como nos describen os compañeiros de Solorobalizas, foi o II Open de Pesca A Spinning, que organizou a ACDR O Patín. Foi o carnotán Tono Goyanes o que levou o primeiro premio, cunha robaliza de 1960 gramos e 2 agullas de 1.380 gramos, que sumaron os 2.650 puntos para facerse co título.

Non foi unha xornada de grandes capturas, non había mar abonda, pero si de disfrutar dunha paraxe incomparable. Os participantes, chegados de todas partes do país, gozaron da costa carnotá e das 5 horas de pesca tranquila.

De Quilmas foi o segundo clasificado, Daniel Castro Piñeiro, cun róbalo de 2430 gramos, por diante de Daniel García, de Catoira.

Todas as capturas foron doadas ao comedor social de Cáritas Cee.

Novas relacionadas

• Carreira Vikinga 2013: Os viquingos correron por toda Carnota.
• 8 Concellos participan no I Circuito de Carreiras Populares Costa da Morte.
• A tregua meteorolóxica permitiu un espectáculo de primeira no Ciclocross de Dumbría.
• Un 2014 sen Vuelta pero cun gran Desafío del Atlántico.

Fonte

• Redacción de QPC ([email protected]).