A división do pleno e a falta de negociación volven poñer en perigo o POS de Ponteceso

Pleno en Ponteceso de decembro — Un pleno pontecesán

08:04 02/02/22

Xa foi o ano pasado o único concello da provincia que perdeu os investimentos provinciais do Plan de Obras e Servizos da Deputación. Pero as relacións entre os grupos municipais non melloran no seu do pleno e o POS volve perigrar neste 2022.

Así o denuncian os 6 edís non adscritos (o 46% do pleno) nun comunicado no que acusan ao alcalde Lois Carballido de “mentir e enganar aos veciñ@s” na “prensa amiga”. Queren explicar que o alcalde non negociou con eles ningún plan, e explican como foi o proceso.

Se ben corroboran que foron chamados a unha reunión, con previo aviso de apenas 24 horas, polo que os edís non puideron asistir pero si lle trasladaron o interese de chegar a un consenso de obras, propoñendo que se convoque a reunión cun pouco máis de antelación, tendo en conta que levan semanas de reunións.

Este póñense en xogo 443.000€ dun POS para o que os edís non adscritos as súa proposta, anticipando que, con só un apoio máis no pleno se acada a maioría plenaria e os veciños serán os beneficiados do POS. “Esas propostas estarán centradas nos maiores do municipio, no pago a proveedeores que sae a luz só cando interesa e en servicios esenciais”, explican.