Martín Varela enrosca LaTuerka para ir á Río a base de risas

19:00 16/09/14

Gala de Humor Con Martin Varela a Rio 2016

Simpática, iso seguro, vai ser a festa que a xente de La Tuerka 27 lle vai adicar ao bo de Martín Varela. Xa temos falado dos problemas económicos deste cormelán, un dos mellores deportistas da Costa da Morte. I é que non todos teñen opcións de acodir a unha Olimpiada, neste caso a Paraolimpiada de Río 2016.

E Con Martín a Río 2016 nace para conseguir termos representación en Brasil 2016. Trátase dunha Gala de Humor, contando con grandes da escena galega, para recadar fondos e que Martín poida tanto competir nos torneos internacionais que lle fan falta para acadar a clasificación, como para poder viaxar ata Brasil, unha vez que para as administracións non é deportista de élite…

John McEnroe ou Daniel Currás?

Para que comprobedes o tirón que ten Martín entre os artistas de toda Galicia, a promoción da festa vén cun protagonista moi mítico da escena galega. Con el sobre o escenario, sacando as risas de todos os espectadores, estarán David Perdomo, Víctor Grande, Isabel Risco, Yésica Val, xunto cun tenista de primeira orde, John McEnroe ou Daniel Currás?

Reserva a túa entrada ou axuda na recadación ca Fila 0

Xa sabedes que os artistas actuarán de balde e a recadación servirá para termos un tenista en Río. Podes ir mercando as túas entradas, e se queres colaborar con Martín e non podes asistir á Gala podes facelo donando 15€ na Butaca Cero no seguinte número de conta 2100 6324 09 0200020564.