O Concello de Ponteceso presenta a XXIX edición do desfile de disfraces Ponte de Entroido, baixo o lema "𝗔𝗺𝗼𝗿 𝗮𝗼 𝗘𝗻𝘁𝗿𝗼𝗶𝗱𝗼 𝗱𝗲 𝗣𝗼𝗻𝘁𝗲𝗰𝗲𝘀𝗼". Será o domingo 19 deste mes e está pensado para que participen dende os máis cativos ata os maiores. En total repartiranse 3.000 euros en premios.

Partirá ás 17:00 horas da Praza do Recheo e finalizará no pavillón. En caso de chuvia, realizarase directamente no espazo interior. Media hora máis tarde será a quenda dos desfiles e das actuacións musicais e teatrais e, ás 19:00 DJ chegarán os inchables e a animación, obsequios e degustación.

A festa continuará o martes 21 de febreiro no polideportivo de Corme co baile de disfraces. Dende as 17:30 horas haberá inchables e fotomatón, ás 18.30, será a entrega de obsequios, o desfile, degustación e a animación. Non é preciso anotarse.

Cómpre inscribirse previamente. Para concursar en comparsas e carrozas é preciso apuntarse antes do día 17 de febreiro ás 12:00 no teléfono 630 90 71 24. As bases completas poden consultarse na web do Concello de Ponteceso.

Novas deste Entroido

• A Milagrosa (Carballo): A Milagrosa fai renacer ao Chorón talado o ano pasado polo Entroido.
• Laracha: Un gran Martes de Entroido na Laracha.
• Vimianzo: Fin de semana completa para o Entroido vimiancés.
• Carballo: O certame de Entroido de Carballo volve repartindo 8.000 euros en premios.
• Fisterra: Xa temos o programa completo do Entroido máis tradicional da Costa da Morte.
• Camariñas: Festa, música, comparsas e o enterro da sardiña para o Entroido de Camariñas.
• Santa Comba: O domingo de Entroido, a Santa Comba.
• Dumbría: O Entroido de Dumbría namorará na tarde do domingo.
• Corme: Corme convertirase nun auténtico zoo polo Entroido.

Máis novas

• Galería do Entroido 2022 na Costa da Morte.