Continúa en marcha o programa de Andainas, pero desta volta sae da Costa da Morte para seguir coñecendo Galicia. Os concellos de Vimianzo e Ponteceso deseñan unha completa fin de semana polo Parque Natural da Baixa Limia, na Serra do Xurés, en Ourense, para os amantes da natureza e do sendeirismo. A excursión será a fin de semana do 22 e 23 de xuño, e as prazas xa se están agotando.

Trátase dunha fin de semana completa, con durmida no albergue O Corgo, no concello de Muiños, puidendo disfrutar de varias visitas culturais así como da natureza no seu estado puro coas sesións de sendeirismo.

Unha ruta moi completa

Así, o programa inclúe visitas guiadas ó Aquis Querquennis (campamento romano do s.I), á Igrexa Visigoda de Santa Comba de Bande, do s. VII (unha das máis importantes de Galicia), ou o forno comunitario de Tourem (Portugal), de 1868.
Así, o sábado tocan 3 andainas curtiñas:

• Ruta dos muíños do río Vilameá (1,6 km). Neste curto espazo concéntranse un total de 12 muíños e unha ponte medieval.
• Ruta de Pitoes das Junias (Portugal, 4,5 km) onde poderemos contemplar a fermosa fervenza de Pitoes e as ruínas dun fermoso mosteiro do s. XII.
• Ruta de Corga da Frecha (Lobios, 4,5 km). Nesta andaina poderemos visitar unha das fervenzas máis altas de Galicia, cunha caída total de 200 m. e os restos dunha mansión romana, onde se poden apreciar o sistema de calefaccións da época.

O domingo toca a andaina máis longa:

• Ruta de Padrendo (Lobios, 11 km) unha bonita, aínda que exixente andaina, na que poderemos ver muíños restaurados, antigas bodegas escavadas na montaña, fermosas vistas panorámicas e outras sorpresas.

Máis información e inscrición

A cota de inscrición é de 50€ (a pagar no momento da inscrición) e nela está incluída as visitas guiadas, o aloxamento en réxime de pensión completa (agás a comida do sábado que a debedes levar) e o transporte. O número de prazas será de 52 (26 para Ponteceso e 26 para Vimianzo) e o mínimo de inscritos debe ser de 30.

Está previsto chegar de volta á Costa sobre as 20:00 h. do domingo. E xa podedes descargar toda a información no folleto informativo e inscribirse nos dous concellos antes do mércores 19 de xuño.

• Concello de Vimianzo: Andainas 2013. Coñece Galicia: Parque natural da Baixa Limia - Serra do Xurés.

Novas relacionadas

• Sendeirismo por aquí e acolá.
• O V Encontro Monte Pindo faranos disfrutar do sendeirismo, historia e gastronomía.
• Natureza, historia e etnografía facendo sendeirismo por Malpica.
• Os camiñantes vertebraron a Costa dende Ponteceso a Camariñas pasando polo Monte Pindo.
• Os camiñantes foron unha fin de semana máis os protagonistas.
• De ruta en ruta polo litoral costeiro.
• O Camiño dos Faros ábrese ao mundo.
• As Andainas invaden a Costa da Morte.
• Coa primavera comezan as citas co sendeirismo.
• 5 Andainas por Ponteceso, Muxía, Vimianzo, Corcubión e Camariñas para coñecer a Costa da Morte a través do sendeirismo.
• Percorrendo a pé, e con Traski, o Camiño dos Faros da Costa da Morte.
• Javier Couto: “O turista cada día é máis esixente, e cada vez pide máis sendeirismo”.

Máis novas

• O primeiro Roteiro Natural do Concello de Malpica cumpre 25 anos.
• Os Camiños do Mar lévannos a Ponteceso.
• Xeocaching: En busca do tesouro agochado.
• Facendo cumio do Roteiro das Peixeiras do Monte Pindo.
• Roteiros homologados na Costa da Morte?.

Fonte

• Redacción de QPC ([email protected]).