Camariñas, Carballo, Coristanco, Laracha ou Fisterra xa forman parte do programa de Compostaxe Caseira de Sogama. Un programa que permite ás famiias do rural reciclar o lixo orgánico para producir compost, contaminando menos e cargando menos a planta de reciclaxe da emrpesa.

O Concello de Vimianzo, na liña dun #VimianzoSostible, vén de ahderirse e invita a calquera familia vimiancesa que viva nunha vivenda illada cun mínimo de 50 metros cadrados de parcela, a que solicite gratuitamente participar no proxecto.

O concello entregaralles un composteiro e un aireador, ademais de levarllo á casa e formalo individualmente no seu uso.

Serán 161 as familias que poden ser beneficiarias. Para participar no proxecto so ten que solicitalo na páxina web do concello vimianzo.gal ou chamando ao 981 716001 e o persoal responsable do proxecto se poñerá en contacto con vostede para coordinar a entrega do composteiro e do aireador.

Novas relacionadas

• Camariñas quere sumar 200 vivendas ao programa de Compostaxe caseira.
  • 50 familias de Coristanco xa teñen os seus composteiros
  • As familias de Carballo xa superan a reciclaxe de 11.100 quilos na quinta fracción
  • 50 familias da Laracha xa teñen os seus composteiros
  • 20 familias participan no novo programa de compostaxe caseira en Fisterra
  • Camariñas busca 50 novas familias que se sumen ao programa de compostaxe doméstica