Volven os traballos ao Castro das Barreiras para descubrir a primeira “Cabana de poste"
Despois da exitosa campaña arqueolóxica do ano pasado, na que se destapou o escalonamento da muralla e o cemiterio de cerámica, o Castro das Barreiras non podía esperar máis para continuar cos traballos na que xa é a 6ª temporada nos últimos 11 anos.
Así o anuncia o Concello, que sinala que comezará o vindeiro 10 de maio unha nova escavación no Castro das Barreiras. O proxecto, comandado por Tito Concheiro (de Terra Arqueos), foi enviado aá Dirección Xeral de Patrimonio para a súa autorización, e intentarán darlle unha “nova visión” ao xacemento.
“Tamén ampliaremos a casa que se descubriu o ano pasado e escavaremos novamente no cemiterio cerámico”, subliña Concheiro.
Concheiro agradece a “continuidade” e pon Vimianzo de exemplo para toda Galicia.
Doble campaña
“Estamos a traballar coa perspectiva de poder facer esta campaña de primavera e outra no outono”, coincidentes coa tempada escolar, e poder sumar un dos activos máis importantes dun xacemento arqueolóxico: a rapazada.
Novas relacionadas
- Setembro 2020: A recreación dun fogar, o escalonamento da muralla e o cemiterio de cerámica, os achádegos campaña 2020 no Castro das Barreiras.
- Xuño 2020: Vimianzo volve limpar o Castro das Barreiras.
- Xullo 2019: Vimianzo mantén viva a aposta polo patrimonio e volve limpar o Castro das Barreiras.
- Un verán para coñecer, a través das visitas guiadas, o rico patrimonio vimiancés.
- Vimianzo afonda, como capital europea, en estratexias concretas de patrimonio e desenvolvemento rural.
- Marzo 2019: Nenxs e maiores danlle sentido ao Castro das Barreiras.
- Febreiro 2019: “É unha honra que un concello tan pequeno como Vimianzo aposte pola arqueoloxía como motor turístico”.
- Maio 18: A excavación do Castro das Barreiras pecha cun gran achádego metalúrxico.
- 2010: O Castro de Barreiras: o expediente X da arqueoloxía galega .
