Non lle recibe o presidente de Abanca, pero o alcalde de Zas non desiste. Muíño vén de enviar unha carta ao Presidente de Abanca, para intentar convencelo de que revoque a decisión dos peches de oficinas no rural.

Na misiva, entregada o pasado 3 de setembro a un directivo da entidade e da que aínda non obtivo resposta, o rexedor Muíño informa a Juan Carlos Escotet das consecuencias que supón este peche para unhas vilas como Zas, Baíñas ou A Baña. “Unha oficina como a de ABANCA nunha vila pequena, na nosa capital municipal, non é só unha actividade comercial máis. É unha peza moi importante dentro da economía local, achega moitos máis servizos engadidos que a propia actividade comercial”, comeza.

“Pasaron xa 15 días dende que lle entreguei a carta a un directivo da súa entidade. Entendo que é tempo suficiente para que a recibise e para que tivera a ocasión de revocar a súa decisión de pechar máis oficinas no rural. Quixen darlle un marxe de tempo antes de facela pública”, sinala Muíño. A carta apela tamén á emigración, un tema que coñece Escotet xa que é fillo de emigrantes e el mesmo tamén o foi, e expón que a perda de servizos no rural e do motor económico que supón a oficina de ABANCA condenará, a curto prazo, a moitos mozos e mozas a emigrar.

NOVAS RELACIONADAS

• 17-09.21: O alcalde de Zas desprazouse ata o Congreso dos Deputacións para pedir que o Goberno regule o sector bancario.
• A alcaldesa de Camariñas ordea retirar os fondos municipais do Banco Sabadell tralo anuncio do peche da sucursal.
• O Concello de Vimianzo retira os seus fondos de Abanca.
• 09-09-2021: Os alcaldes de Zas, Vimianzo e A Baña reiteran a súa petición dunha entrevista co presidente da Xunta.
• 07-09-2021: Entregan 5.500 sinaturas contra o inminente peche das sucursais de Abanca en A Baña, Vimianzo e Zas.
• 02-09-2021: Medio millar de veciñ@s de Vimianzo e Zas manifestaron na Coruña o seu malestar polo peche das sucursais de Abanca
• 25-08-21: A veciñanza de Vimianzo e Zas álzase contra o peche das sucursais de Abanca.
• 20-08-2021: A veciñanza de Baíñas demostra o seu rotundo rexeitamento ao peche da sucursal de Abanca.
• 20-08-2021: A FEGAMP comprométese a analizar a política de abandono do rural de Abanca.
• 14-08-21: Os Concellos de Vimianzo e Zas unen forzas contra o peche das sucursais de Abanca.
• 12-08-2021: A veciñanza de Baíñas concentrouse contra o peche da sucursal de Abanca.
• 12-08-2021: Zas mobilízase contra o peche da oficina de Abanca.
• 04-08-2020: Lamentan o peche da oficina de Abanca en Dumbría.
• Cousas que existían pero que descubrimos coa pandemia: Os bancos, tal como os coñecemos, camiño de ser un recordo.