Volvía a competición o tenis de mesa tras case un mes de parón. E o facía con resultados alternos, con boas e malas novas. En 2ª galega outra vez unha de cal e outra de area, desta volta co Anorthosis traendo as boas novas. Unha vitoria que lles dá ás para pensar no ascenso, mentres que o Aquacénit, malia manterse arriba, terá que remar algo máis se quere ter miras alas.

Mentres, en 3ª, o Concello de Zas O PPinar traía unha vitoria e unha derrota da súa visita a Oroso.

2ª División Galega, Grupo Centro

• Resultado: Anorthosis Vimianzo - Liceo Noia "B" (5-2).
• Resultado: Concello de Zas Aquacenit - Liceo Noia "B" (3-4).

Desta vez foi o Anorthosis Vimianzo o que gañou claramente aos do Liceo Noia "B" con moi bos partidos tanto de Roi e Marce, como de Ángel (este con fiebre), e que só cederon ante Rubén Somoza nos individuais.
Con esta vitoria achéganse ao 2º posto da táboa clasificatoria, nun grupo moi igualado, e con miras ao ascenso. Bueno, hai que ter en conta que só acabou a primeira volta, terán que seguir nesta liña para conquerilo.

Pola outra banda, a de area douna o Concello de Zas Aquacenit xa que non foi quen de superar aos mesmos do Liceo Noia "B",desta vez Stevo perdeu os dous individuais, (no último gañaba 2-0 e 8-4 no 3º set) e foi determinante na derrota pois perdeuse a característica do equipo onde cada xogador puntuaba para a vitoria. Con esto seguen no grupo de cabeza, pero con máis obrigas de gañar para estar arriba. Na 2ª volta terán que apretar máis.

3ª División Galega, Grupo Noroeste

• Resultado: Oroso Trastes - Concello Zas O Pinar (2-5).
• Resultado: Oroso Peluquería Tije - Concello Zas O Pinar (7-0).

En 3ª galega desprazouse o Concello de Zas O Pinar ata Oroso nun domingo frio pero coa fortuna de que no local de Oroso teñen calefaccion. Os resultados normais, habida conta que polos de Zas debutaban Raúl López, Ana García e Marta Costa; e cada un dles conqueriu a vitoria no seu debut (eso non o poden decir todos) e así conqueriron a vitoria ante os tamén principiantes do Oroso Trastes. No outro encontro normal o seu desenlace ante os xa máis veteranos de Oroso.

Novas relacionadas

• Anorthosis e Aquacénit empatan na 3ª praza.
• O Concello de Zas Auacénit ascende á 4ª praza.
• Pleno esperado para a familia Anorthosis.
• Anorthosis e Aquacénit suman pero ao Gaiteiro puidéronlle os nervos.
• O Concello de Zas Aquacenit fai de primeiro equipo.
• A canteira do tenis de mesa de Zas demostrou estar moi viva no Lalín Arena.
• O Concello de Zas Aquacénit fai o traballo do Anorthosis.
• O Anorthosis segue firme no alto da táboa.
• Anorthosis e Aquacenit caen a puntos.
• Unha de cal e unha de area para os equipos costeiros de tenis de mesa.
• Gran expectación para o derbi de tenis de mesa que abríu a tempada.
• A renovada familia Anorthosis comeza o curso a base de churrasco.

Máis novas

• Chipre descubre a Costa da Morte a través do Anorthosis.

Fonte

• Nota de prensa da A.D. Anorthosis Vimianzo, da man de Estevo Lema.